မိန်းကလေးမဆန်တဲ့ မိန်းကလေးတစ်ဦး - ၇

ကံကြမ္မာက တော်တော်အချိုးမပြေတဲ့ကောင်

ကိုယ်က "အားလုံးကလွဲရင်

မင်းရဲ့အချစ်ကို ရချင်တာပါ" ဆိုမှ

မင်းက "အချစ်ကလွဲရင် 

အားလုံးပေးနိုင်တယ်" တဲ့ ဟူး...။

ကိုယ်က နောက်လုပ်မယ့်အရာကိုပဲ

ပြင်းပြင်းထန်ထန် အာရုံစိုက်လိုက်မိရင်

အရှေ့က တစ်ခုကိုမေ့သွားတတ်တယ်

အခုလည်း ကြည့်

မင်းက ခေါင်းရမ်းထားတာကိုမေ့ပြီး

နောက်တစ်ကြိမ် ဖွင့်ပြောပြန်ပြီ။

ဒါပေမဲ့ ကိုယ်မပြုပြင်ဘူး

မင်းငြင်းရင် ထပ်ဖွင့်ပြောမယ်

မင်းထပ်ငြင်းရင် ထပ်ဖွင့်ပြောမယ်

မင်းရဲ့မေတ္တာတရားတွေ 

ကိုယ့်ရင်ထဲ ဖြစ်တည်လာတဲ့အချိန်ထိ

ကိုယ်အမြဲမင်းကိုဖွင့်ပြောနေမယ်။

ကိုယ်က 'ဇွဲ'ကောင်းတဲ့ကောင်ပါ

ကိုယ်က အရစ်ရှည်ပြီးခေါင်းမာတဲ့ကောင်ပါ

လောလောဆယ်တော့ 

မင်းကို မတွေ့ရတာ၂ပတ်ရှိပြီ

မင်းနဲ့တွေ့ချင်မိတယ် 

နောက်ကျောကနေ 

အတောင်ပံတွေ ပေါက်လာချင်မိတယ်

ဒါမှမဟုတ် လေယာဥ်ပျံသာဖြစ်ချင်မိတယ်။

ကျွန်တော်