ခံတွင်းရနံ့ဆိုးတွေကိုသဘာဝအတိုင်း ဖယ်ရှားကြမယ်

လူတစ်ယောက်ရဲ့ Impression အတွက် ခံတွင်းရနံ့က အရေးကြီးတယ်ဆိုရင် မှားမယ်မထင်ပါဘူး။ အစားအသောက်ကြောင့်ဖြစ်စေ၊ ဆေးလိပ်သောက်ခြင်းနဲ့ အကြောင်းအမျိုးမျိုးကြောင့် ခံတွင်းရနံ့ဆိုးလာတဲ့အခါ စကားပြောတိုင်း ကိုယ့်ကိုယ်ကိုယ် ယုံကြည်မှုလျော့နည်းလာစေပါတယ်။

အဲဒီတော့ အနံ့ဆိုးပြီး ကိုယ့်ကိုယ်ကိုယ် ယုံကြည်မှုကျဆင်းစေတဲ့ ခံတွင်းရနံ့တွေကို ဘယ်လိုတိုက်ထုတ်ကြမလဲ…

လေးညှင်း

လေးညှင်းမှာပါဝင်တဲ့ antibacterial ဂုဏ်သတ္တိတွေဟာ ခံတွင်းရနံ့ဆိုးတွေကို ဖယ်ရှားပေးပြီး လန်းဆန်းသင်းပျံ့စေပါတယ်။ လေးညှင်းပွင့်လေးတစ်ပွင့်လောက် အလွယ်တကူ၀ါးနိုင်သလို ရေနွေးဆူဆူနဲ့ လေးညှင်းပွင့်ကို ၅ - ၁၀ မိနစ်ခန့်ပြုတ်ပြီး တစ်နေ့ နှစ်ကြိမ် ပါးလုတ်ကျင်းပေးနိုင်ပါတယ်။

သံပုရာရည်

သံပုရာရည်မှာပါတဲ့ အက်ဆစ်ဓာတ်တွေဟာ ခံတွင်းအတွင်း ဘက်တီးရီးယားပေါက်ဖွားခြင်းကို လျှော့ချပေးပြီး သင်းပျံ့တဲ့ ခံတွင်းရနံ့ကို ပိုင်ဆိုင်စေပါတယ်။ သံပုရာရည် လက်ဖက်စားဇွန်း တစ်ဇွန်းနဲ့ ရေတစ်ဖန်ခွက် ရောစပ်ပြီး ပါးလုတ်ကျင်းပေးလိုက်ရုံပါပဲ။

ပန်းသီးရှာလကာရည်

 

သူ့မှာပါဝင်တဲ့ pH ထိန်းညှိပေးနိုင်တဲ့ ဂုဏ်သတ္တိဟာ ခံတွင်းရနံ့ဆိုးတွေကိုလည်း ဖယ်ရှားပေးနိုင်စွမ်းရှိနေပါတယ်။ ပန်းသီးရှာလကာရည် ထမင်းစားဇွန်း တစ်ဇွန်းကို ရေတစ်ဖန်ခွက်နဲ့ရောစပ်ပြီး ထမင်းမစားခင်ကြိုသောက်ပေးမယ်ဆိုရင် အစာကြေလွယ်စေရုံသာမက ခံတွင်းရနံ့ဆိုးတွေကိုလည်း သက်သာပျောက်ကင်းစေနိုင်ပါတယ်။ (အစာအိမ်ရောဂါရှိသူတွေအနေနဲ့တော့ ရှောင်ရှားသင့်ပါတယ်)

ရေနွေးကြမ်

ရေနွေးကြမ်းမှာပါဝင်တဲ့ polyphenols တွေဟာခံတွင်း အတွင်း ဘက်တီးရီးယားတွေပေါက်ဖွားမှုကို ရပ်တန့်ပေးနိုင်ပါတယ်။ လုပ်ရမှာကတော့ ရှင်းရှင်းလေးပါ ။ နေ့စဉ်ရေနွေးကြမ်း ပုံမှန်သောက်သွားပေးတာနဲ့တင် အဆင်ပြေစေမှာပါ။

Yan