“ ချောင်းကြည့်ပေါက်များ ”

သူ့အလို

အထက် အဆိုပါအကြောင်းများအရ

တွေးဆချက်များမှာ

(၁)

“စကားလုံးများ” ဟာ “အတု”ဖြစ်ပြီး

“စိတ်”သည်“အစစ်အမှန်” ဖြစ်တယ် တဲ့။

(၂)

“ခြေထောက်တွေ” ဟာ “လမ်း”ဖြစ်ပြီး

“ငါ” သည် “ခရီးဆုံး” ဖြစ်တယ် တဲ့။

(၃)

ဆိုတော့ကာ

အဲဒီခြေထောက်အတုတွေနဲ့

အဲဒီ စကားလုံးတင်းကြမ်းပြည့်လမ်းကိုပဲ

စီးစီးပြီး သွားနေရတာ တဲ့။

အဲဒီခရီးဆုံးမှ ရောက်ပါ့မလား

အဲဒီအစစ်အမှန်ရော ဟုတ်ပါ့မလား

အဲဒီစိတ်ကြီးကို ကုန်လွန်းလို့

အဲဒါ 'ငါ' ကဖြင့်တဲ့။

အင်း...

ပျင်းတယ်ဆိုတာကြီးပဲ

ကြိတ်မနိုင် ခဲမရ။      ။

                            

ထူးအိမ်သင်

ရုပ်ရှင်တေးကဗျာ ( ၂၀၀၂  )

Respect & Credit to Artist Htoo Eain Thin