ဒုက္ခဆက်တင်

လူလည်နဲ့လူအ

နှစ်မျိုးလုံးတင်ဆက်လို့ရတဲ့  

မြို့တော်ကြီးမှာ

တစ်ဝက်အောင်မြင်ပြီး

တစ်ဝက်ကျဆုံးခဲ့ရ 

သည်မြစ်ဟာ

ငါမကူးခတ်နိုင်လောက်အောင်

မကျယ်ဝန်းပါဘူး။ 

လမ်းပျောက်နေသလား တဲ့

လမ်းရှာမတွေ့သေးသူပါ။ 

အကုသိုလ် ဒုစရိုက်တရား

ဒါလောက် မများခဲ့ပါဘူးကွယ်

ဆူးလေဘုရားကို ရှာတွေ့ရမှာပေါ့။ 

ဒုက္ခတွေကို ဒုက္ခနဲ့မြှောက်ခဲ့ရသူမို့

နောက်ထပ်ဒုက္ခပန်းတစ်ပွင့်

မဖူးပွင့်ပါရစေနဲ့တော့  ညီမလေးရယ်။ 

ဖြောင့်ချက်တွေမပေးမိခင်

လေနှင်ရာလွင့်ခဲ့ရတာကိုပဲ

မင်းတို့မြို့ကလေးကို ကျေးဇူးတင်ရ။

ဘတ်စ်ကားပေါ်မှာ

မတော်တဆလက်ချင်းထိမိသလိုသာ

သဘောထားလိုက်ပါတော့။           ။ 

ပိုင်စိုးဝေ

Respect & Credit to Poet Paing Soe Wai