တင်ပါးပေါ်က ဝက်ခြံတွေ…

ဒီတစ်ခါတော့ အများစုဖြစ်လေ့ဖြစ်ထရှိတဲ့ Booty Acnes အကြောင်းပေါ့။

Booty Acnes လို့သာပြောတာ။ တကယ်က ဝက်ခြံမဟုတ်ဘူး။

တင်ပါးကမွေးညှင်းလေးတွေ ဘက်တီးရီးယား ဒါမှမဟုတ် မှိုရောဂါကြောင့် ရောင်ရမ်းတာမျိုး ဒါမှမဟုတ် တင်းကြပ်လွန်းတဲ့ အဝတ်အစားတွေဝတ်တဲ့အခါ အရေပြားနဲ့ အဝတ်ပွတ်တိုက်ရင်း ရောင်ရမ်းတာ။ ပြီးတော့ waxing လုပ်တာ မမှန်လို့ ဖြစ်တာမျိုး။  Folliculitis လို့ခေါ်တယ်။ 

ဒီအဖုလေးတွေက ကနဦးဆို သေးသေးလေးတွေ။ ဒါပေမယ့် နောက်ပိုင်း ရောင်းရမ်းပြီးတဲ့အခါကျ ညှစ်လိုက်ရင် အဖြူဆံလေးတွေ အရည်ကြည်လေးတွေထွက်တဲ့ ဝက်ခြံလိုမျိုးဖြစ်လာကြတယ်။ 

ဘာမလုပ်သင့်ဘူးလဲ

Exfoliate လုပ်တာအများစုတွေ့နေရတယ်။ လုံးဝ scrub မလုပ်ပါနဲ့။ Scrub က နဂိုတည်းကရောင်ရမ်းနေတဲ့ အဖုလေးတွေကို သွားဆွသလိုဖြစ်ပြီး ပိုဆိုးလာနိုင်ပါတယ်။ Scrub ကြောင့် အမာရွတ်ထတာမျိုးတွေဖြစ်လာနိုင်ပါတယ်။ 

Waxing လုပ်တာလည်းရှောင်ပါ။ ရောင်ရမ်းနေတဲ့ မွေးညှင်းပေါက်လေးတွေကို wax နဲ့အတူ ပိုဆိုအောင်လုပ်လိုက်သလို ဖြစ်သွားစေပါလိမ့်မယ်။ 

ဒါမျိုးတွေရှောင်လေ အမာရွတ်ဖြစ်ဖို့ အခွင့်အလမ်းနည်းသွားလေပါပဲ။

ဘယ်လိုကာကွယ်နိုင်သလဲ

Salicylic acid ဒါမှမဟုတ် lactic acid ပါဝင်တဲ့ ဆပ်ပြာမျိုးရွေးချယ်ပါ။  ချွေးထွက်သန်သူတွေအနေနဲ့ ခြောက်သွေ့ သန့်ရှင်းအောင် အတတ်နိုင်ဆုံးကြိုးစားပါ။

Yan