ညိုညစ်ကြမ်းတမ်းနေတဲ့ တံတောင်ဆစ်တွေအတွက်

တံတောက်ဆစ်မှာ ရှိတဲ့အရေပြားဟာ တခြားနေရာတွေထက် အဆီ gland တွေနည်းပါးတာကြောင့် ပိုပြီးပါးလျပါတယ်။ အဲဒီတော့ အစိုဓာတ်လည်း နည်းပါးပြီး ခြောက်သွေ့လွယ် ယားယံလွယ်တာပေါ့။ ဒါတင်မကပါဘူး။ ရေအကြားကြီးချိုးတဲ့သူတွေ၊ chemical based skin care product တွေအသုံးများတဲ့သူတွေ၊ ရေနွေးနဲ့ရေချိုးတဲ့သူတွေ၊ နေရောင်ခြည်အချိန်ကြာမြင့်အောင် ထိတွေ့သူတွေ နဲ့ အရေပြား ပြဿနာရှိတဲ့သူတွေလည်း ဒီပြဿနာကို ကြုံတွေ့ရပါတယ်။

အဲဒီတော့ ညိုညစ်ကြမ်းတမ်းမွဲခြောက်နေတဲ့ တံတောင်ဆစ်အရေပြားကို ဘယ်လို care လုပ်ကြမလဲ

ကြေးချွတ်ပေးခြင်း (Scrub) က အရေပြားဆဲလ်အသေတွေကို ဖယ်ရှားပေးပြီး အသားအရောင် ညီညာကြည်လင်စေပါလိမ့်မယ်။ တစ်ပါတ် ၁ကြိမ် (သို့ ) ၂ ကြိမ်ကြေးချွတ်ပေးနိုင်ပါတယ်။

Petroleum Jelly အထူးသဖြင့် Vaseline လိုမျိုး တံတောင်ဆစ်မှာလိမ်းထားပေးနိုင်ပါတယ်။ ညအိပ်ရာဝင်ကာနီးတိုင်း Petroleum Jelly ကို လိမ်းထားပေးရုံပါပဲ။

အုန်းဆီလိမ်းပြီးနှိပ်နယ်ပေးခြင်းကလည်း တံတောင်ဆစ်အရေပြားအသားအရေကို ညီညာကြည်လင်စေပါလိမ့်မယ်။ အုန်းဆီလေးကို ခပ်နွေးနွေးဖြစ်အောင် အပူပေးပြီး နှိပ်နယ်ပေးရုံပါပဲ။ 

သံလွင်ဆီနဲ့ သကြားညိုရောစပ်ပြီး DIY scrub အနေနဲ့ သုံးပေးနိုင်ပါတယ်။ တစ်ပါတ် ၂ကြိမ်လောက်လုပ်ပေးလို့ အဆင်ပြေပါတယ်။

ရှားစောင်းလက်ပတ်အတွင်းသားကို တံတောင်ဆစ်အရေပြားမှာ သုတ်လိမ်းပြီး မိနစ် ၂၀ ခန့်အကြာမှာ ရေဆေးချပေးပါ။ တစ်ပါတ်ကို ၂ကြိမ်အထိလုပ်ပေးနိုင်ပါတယ်။

Glycerin ကလည်း အစိုဓာတ်ဖြည့်ပေးပြီး အသားအရေညီညာကြည်လင်စေတာကြောင့် ကြမ်းတမ်းခြောက်သွေ့တဲ့ အရေပြားပေါ်မှာ မိနစ် ၂၀ ခန့်လိမ်းထားပါ။ ကပ်စေးစေးဖြစ်တာကို မကြိုက်ရင် မိနစ် ၂၀ အကြာမှာ ရေဆေးချလိုက်ရုံပါပဲ။

Yan