ကျမရဲ့ နှင်းဆီ 

နေကောင်းပါရဲ့လား

ယုံကြည်ရာကို လျှောက်လှမ်းနေတာမို့ 

လမ်းတူရင် ကျမတို့ တွေ့ကြမှာပါ။

ဒီကာလမှာ အဖျားအနာကင်းပါစေ

စိတ်နာကျင်မှုတွေ ပြေလျော့အောင်ကြိုးစားနိုင်ပါစေ

ကျန်းမာရေးကို ဂရုစိုက်ပါ 

ကျမရဲ့ မှီရာတည်ရာမို့ ကြံ့ကြံ့ခံ သန်မာပေးပါ။

အရင်လိုနှင်းဆီရဲ့ live ကနေ 

ရွတ်ပြတဲ့ 

ကဗျာဖတ်သံလေးတွေ 

စာပေဆွေးနွေးသံလေးတွေ လွမ်းမိပါရဲ့ သတိရပါရဲ့

အဲ့အချိန်မျိုးရောက်အောင် 

ကျမတို့ ပြန်ကြိုးစားကြရမယ်

ကဗျာကို ချစ်သော

စာပေကို ချစ်သော 

အနုပညာကို မြတ်နိုးသော 

အမှန်တရားကို ချစ်မြတ်နိုးသော ကျမရဲ့နှင်းဆီ

ကျမရဲ့ ရှိသမျှ 

ရုပ်၊နာမ် နှစ်ပါး တည်ဆောက်ထားတဲ့ 

မေတ္တာဓါတ်တွေ ပို့လွှတ်ပေးပါရစေ။

ရန်သူတွေရှေ့မှာ ထွန်းလင်းတောက်ပပါစေ

ချစ်သူတွေအတွက် ပန်းရနံ့လို မွှေးကြိုင်သင်းပျံ့ပါစေ။

ကျမရဲ့နှင်းဆီရေ့ 

ကျမချစ်ရပါသော နှင်းဆီရေ့ 

နာကျင်စရာအဖြစ်အပျက်တွေနဲ့ကြုံတိုင်း 

နှလုံးသားတွေ ပဲ့ကြွေမတတ်ခံစားနေရတယ် မဟုတ်လား

နှင်းဆီရဲ့ ပရိတ်သတ်တစ်ယောက်ဖြစ်တဲ့ 

ကျမရဲ့ နှလုံးသားထောင့်တစ်နေရာမှာ 

နာကျင်မူတွေကို မြှုပ်နှံပါ 

နှင်းဆီရဲ့ နှလုံးသား 

အနာတရကင်းဖို့အရေး ဒို့အရေးမို့

ကြေကွဲမူတွေကို 

ဒီအမျိုးသမီးဆီမှာ သိုဝှက်ပါ 

နှင်းဆီနာကျင်စွာနဲ့ တင်လိုက်တဲ့ပို့စ်တိုင်း 

ဒီရင်မှာ လာစိုက်တာပါပဲ။

နှင်းဆီရေ့ 

စိတ်တွေကို သိပ်ပြီး ပေးမလွင့်နဲ့ 

စိတ်ဓါတ်ကျပြီးရင်လဲ ပြန်ကောက်ပေး

အဲ့ဒီထဲမှာ ကျမရဲ့အလင်းတန်းလေးရှိတယ်

ဒါကြောင့်မို့ ဘယ်အရာမှ အရှုံးပေးဖို့ မလိုက်လျောလိုက်နဲ့

ချီးကောင်တွေကို တိုင်းပြည်ကနေ ဖယ်ထုတ်နေတာမို့ 

တို့တစ်တွေလက်တွေ အနည်းငယ် ညစ်ထေးမယ် 

ဒါကြောင့်မို့ နှင်းဆီလေးရေ့ 

တို့တစ်တွေစိတ်တွေ သန့်စင်ထားရမယ်

တို့တစ်တွေစိတ်တွေ မယိုင်အောင် အတည်ချထားရမယ်

ပြီးရင် အတူတူသန့်စင်ကြမယ်လေ။

အဆုံးသတ်မှာ 

မေတ္တာကြုံလေး ပါးလိုက်ပါရစေ နှင်းဆီရေ့ 

ရန်သူတွေရှေ့မှာ ထွန်းလင်းတောက်ပပါစေ

ချစ်ရသူတွေအတွက် 

ပန်းရနံ့လို မွှေးကြိုင်သင်းပျံ့ပါစေကွယ်။

ဆဆ