အပူဒဏ်အန္တရာယ် ကြိုတင်ကာကွယ်

ပူချက်ကတော့ တစ်ယောက်နဲ့တစ်ယောက် နှုတ်ဆက်ရင်တောင် "ဘယ်လဲ" မဟုတ်တော့ဘူး "တော်တော်ပူတာပဲနော်" "မီးကလည်း ပျက်လိုက်တာ" ဆိုတာမျိုးတွေဖြစ်နေပြီ။

အပူဒဏ်ကို ကိုယ်တိုင်လည်း ခံစားနေရတာဆိုတော့ How To ဆိုပြီး tips လေးတွေရေးဖို့ စိတ်ကူးမိလာတယ်။  

Sunscreen

ဘာမှမလိမ်းဘူးဆိုရင်တောင် sunscreen ကိုတော့ မဖြစ်မနေလိမ်းပေးပါ။ ဘယ်လိုလိမ်းမလဲဆိုရင် အပြင်မထွက်ခင် ရေကို ကြိုပြီးချိုးထား။ ပြီးလျှင် လိမ်းထားပေး။ မိနစ် ၃၀ လောက်နေပြီးမှ ချွေးမထွက်တော့ဘူး စိတ်ပေါ့ပါးသွားပြီဆိုမှ အပြင်ထွက်။ ဘာလို့လဲဆိုတော့ အချိန်အများစုက မီးပျက်/မီးလာချိန်အပေါ်မူတည်ပြီး လုပ်နေရတာဆိုတော့ စိတ်လောတယ်၊ rush ဖြစ်တတ်တယ်။ အဲဒီတော့ stress ဝင်လာတယ်။ ရေချိုးပြီးကာစပဲရှိသေးတယ် ချွေး တောက်တောက်ကျလာတယ်။ 

ဒါကြောင့် အပြင်ထွက်မယ့် အချိန်ထက်စော​ပြီး ရေကြိုချိုး၊ sunscreen ကြိုလိမ်းပါ။ ပြီးတော့ တချို့ sunscreen တွေက မိနစ် ၃၀ လောက်ကြိုလိမ်းပြီး နေပူထဲထွက်မှ အလုပ်လုပ်တာ။

ထီး

UV ပါတဲ့ထီးသား အကောင်းဆုံးပါ။ ဒီလိုမှမဟုတ်ရင် ထီးဆောင်းထားတာပဲ အဖက်တင်တယ်။ UV တွေက ကိုယ့်ခေါင်းပေါ်လာစုပြီး တရှိန်းရှိန်းနဲ့ကိုမှ မြေကြီးက အပူရှိန်နဲ့ အပေါ်မီး အောက်မီး မြှိုက်ထားသလိုဖြစ်နေမှာ။ 

ဘာတွေ ဆောင်သွားမလဲ

ရေဆူဆေး၊ ရေဗူး၊ ဓာတ်ဆား၊ ရှူဆေး၊ ယပ်တောင် ဒါမှမဟုတ် ပန်ကာသေးသေးလေးတွေပေါ့။ အိတ်သေးသေးနဲ့ ဆန့်တဲ့ ပစ္စည်းလေးတွေပါပဲ။ ကိုယ်ပုံမှန်လုပ်နေကျပြောရရင် အပြင်မထွက်ခင် ရေများများသောက်လိုက်တယ်။ အပြင်ရောက်လို့ အရမ်းပူနေရင် ဓာတ်ဆားရေကို တစ်ငုံလောက်သောက်တယ်။ အဝတော့မသောက်ဘူးပေါ့။ ခရီးက အဝေးကြီးဆက်ရဦးမှာကိုး။ ဒီလိုမှမဟုတ်ရင် ဗိုက်တွေတင်းပြီး ရှူးခနခနပေါက်ချင်သလိုလို နေမထိထိုင်မသာဖြစ်နေမှာ။

ဘာသတိထားမလဲ

အထူးသဖြင့် နေ့ခင်း အပူရှိန် အရမ်းမြင့်တဲ့အချိန် air con ကားကနေ နေပူထဲထွက်လိုက်တဲ့အချိန် အန္တရာယ်ရှိပါတယ်။ အဲဒါကြောင့် ကားပေါ်ကမဆင်းခင်လိုမျိုးကျတော့ ရေကို ဝဝသောက်ပါ။

 

အိမ်ပြန်ရောက်၊ အရိပ်ထဲရောက်တာနဲ့ ရေခဲရေသောက်လိုက်တာမျိုး၊ မျက်နှာသစ်တာမျိုး ရှောင်ပါ။ တကယ်လို့ မျက်နှာသစ်ချင်တယ်ဆို ရေနဲ့ဆပ်ပြာနဲ့ သစ်မယ့်အစား ဆပ်ပြာမလို ရေမလိုတဲ့ cleansing water လိုမျိုး ရွေးသုံးပါ။ 

ဒါကတော့ အခြေခံအားဖြင့် ကိုယ်တိုင်လည်း လုပ်နေတာမျိုးတွေပေါ့။ အခုစာဖတ်နေတဲ့ clicker တွေရော အပြင်ထွက်ရင် ဘာတွေကြိုတင်ပြင်ဆင်သွားလေ့ရှိသေးလဲ။ ဆွေးနွေးပေးပါဦး။

Yan