"အိမ်ပြန်ချင်တယ်" 

ခြင်တွေသိပ်ကိုက်တဲ့ပတ်ဝန်းကျင်ကနေ 

မထဘဲ ထိုင်လွမ်းနေမိတာ 

အိမ်ဆိုတာ ပန်းကလေးပါပဲ 

မွှေးပျံ့ရီဝေ။ 

ရနံ့ဟာ မပြယ်တော့ဘူး 

တစ်သက်လုံး စွဲပါလာတာ 

ကောင်းကင်ထဲက ဝလုံးလေးတွေ 

စားပွဲဝိုင်းပေါ်က ဟင်းခွက်လေးတွေ 

ရှိနေသေးတဲ့ အသက်မျှင်လေးကို 

သံယောဇဉ်နဲ့ပြန်ဆက်ထားတယ် 

အိမ်ဟာ မဝေးတော့တဲ့နေ့။ 

ခေါက်ရိုးကျိုးနေတဲ့ တောင်းဆို‌နည်းလို 

အဲ့ဒီနေ့တွေပဲ ပြန်ပေးပါ 

ကျနော် ဘာပေးရ ပေးရ 

အိမ်ရနံ့ဆိုတာ 

ရှုရှိုက်ခဲ့ရသူတိုင်းရဲ့ 

ထွက်သက်ချချင်ရာ မြေကြီးပါပဲ။        ။

ထက်အိမ်