ClickforKachin C4K

အိမ်လွမ်းနာ - ၅ “ကမ္ဘာကြီးမှာ တိုးပွားလာမယ့် လူဦးရေအရ နောင်တစ်ချိန်မှာ အင်းဆက်တွေဟာ ရိက္ခာအတွက် အထောက်အကူပြုပေးနိုင်တဲ့ အာဟာရပြည့် အစားအစာတစ်မျိုး ဖြစ်လာနိုင်ပါတယ်”တဲ့။ ဒီအကြောင်းအရာပါတဲ့ စာကိုဖတ်ပြီး အညာရောက် ရှမ်းလေးက ပြောလာတယ်။ ငါတို့ဆီမှာဆို ပုရွက်ဆိတ်အကောင်ကြီး တစ်မျိုးရဲ့ ဥကို မက်မန်းဥလိုခေါ်ကြတယ်။ အဲ့ဒီဥတွေ ရှိတဲ့ ရာသီရောက်ပြီဆို စျေးတွေမှာရောင်းကြတယ်။ သုတ်ပဲစားစား၊ ကြက်ဥနဲ့ကြော်စားစား။ ဟင်းချိုထဲပဲထည့်သောက်သောက် အမျိုးစုံလုပ်စားကြတယ်။ အင်းဆက်ထဲပါတဲ့ ခါချဥ်ကိုတော့ အကောင်ရော ဥပါ စားကြတယ်။ သူအကြိုက်ဆုံးကတော့ သဲပိုးကောင်လိုခေါ်တဲ့ အကောင်လေးတွေပါတဲ့။ သူတို့က ရှမ်းပြည်မှာဆို သဲမြေတွေမှာ အနေများပြီး တူးရတာလည်း အရမ်းမခက်ပါဘူးတဲ့။ ပုစဥ်းရင်ကွဲနဲ့ပုရစ်ထက် ပိုနူးညံ့ပြီး တော်တော့်ကို စားလိုကောင်းပါတယ်တဲ့။ ဆောင်းကုန်ပြီဆို သဲပိုးတွေကို စရှာကြပြီ။ ရွှေစင်လိုခေါ်တဲ့ အဆင့်မှာ သဲပိုးဟာအနေကြာပြီး စားလို့လည်း အကောင်းဆုံးပါပဲတဲ့။ သူငယ်ချင်းတွေနဲ့ သဲပိုးအရှာထွက်ကြ၊ အိမ်ပြန်ရောက်ရင် သဲစင်အောင်သေချာဆေးပြီး ကြော်စားကြနဲ့ သူတို့ရပ်ရွာမှာတော့ ဒေသစာ၊ရာသီစာတစ်မျိုးပါပဲတဲ့။ သူငယ်ချင်းတစ်စု သဲပိုးအရှာထွက်...

Nothing's Gonna Change My Love For You  အချစ်ဆိုတာက စံပယ်ခြံထဲမှာ စံပယ်ဖူးတွေခူးရင်း မင်းသီဆိုနေကျ Nothing's gonna change my love for you သီချင်းလိုပါပဲ။ သိပ်ကိုကဗျာဆန်သိမ်မွေ့လှပတာပေါ့။ ကိုယ် ဒီရက်ကွက်ကို စရောက်ကတည်းက မင်းကို အရင်ဆုံးသတိထားမိတာပါပဲ။ နွေဦးရဲ့ ညနေခင်းတွေမှာ စံပယ်ဖူးတွေခူးရင်း သီချင်းကိုတီးတိုးသီဆိုနေတတ်တဲ့မင်းနံမည်က "ဖြူစံပယ်ဖူး" တဲ့လေ။ အိုကွယ် နာမည်လေးအတိုင်းပါပဲ မင်းက ဖြူနုပါးလျနူးညံ့လိုက်ပုံကများဖြင့် ပိုးဟပ်ဖြူလေးတစ်ကောင်လိုပါပဲ။ ဒုတိယမ္ပိ မင်းနဲ့ပြန်ဆုံတာက ကိုယ်တို့ရက်ကွက်ရဲ့ ရဲရဲတောက်သပိတ်မှာပေါ့။ ဂျင်းပန်အပြာကို ရှပ်အဖြူရောင်နဲ့တွဲ၀တ်ထားတဲ့မင်းက သပိတ်ခေါင်းဆောင်လို့ ကိုယ့်နံဘေးက သူငယ်ချင်းကပ်တိုးလေးပြောချိန်ကတော့ ကိုယ်အံ့သြမိရတဲ့အခိုက်အတန့်ပေါ့။ အဲ့ဒီနေ့ အဲ့ဒီနေ့ကပေါ့ ၂၀၂၃ ရဲ့ နေ့စွဲလေးတစ်ရက်ပါပဲ။ ဒါပေမဲ့ ကိုယ့်ကမ္ဘာကြီး တုန်ဟီးပျက်ပြားသွားခဲ့ရတယ်။ အစိမ်းရောင်ကားပေါ်က လူတစ်စုဆင်းလာတယ် မင်းကိုလာရှာကြတယ်ပေါ့။ မင်းလည်းရုတ်တရက်ဆိုတော့ လွတ်မြောက်ဖို့လမ်းစ ရှာမိမှာပါပဲ။ ကိုယ့်မျက်စိရှေ့မှာတင် မင်းတစ်ယောက် မင်းခူးနေကျ စံပယ်ပင်ဖြူဖြူစင်လေးတွေကြား အ၀တ်င...

စိတ်ဓါတ်ခိုင်မာ မူးကမ်းရွာ မူးကမ်းရွာလေး အေးချမ်းခြင်း လယ်ယာလုပ်ငန်း လုပ်ကိုင်ရင်း။ မတရားမှုကို လက်မခံ ပြန်လည်ကာတွန်းလှန် သူတို့သတ္တိ လွန်ပြောင်မြောက် ဖက်ဆစ်တပ်က ဝင်ကာနှောက်။ ပြည်သူကိုမနိုင် မီးရှို့အပြိုင် ဖက်ဆစ်တို့ရဲ့ စတိုင်။ မီးရှိုု့ရုံတင်မကသေး အိမ်ရှိပစ္စည်း အကုန်ယူပြေး။ မပြေးနိုင်တဲ့ ဘိုးဘွားများ အိမ်ထဲပိတ်ကာ မီးရှို့သွား။  နှမချင်းသော် မစာနာ သူတို့မတရားပြုကျင့်တာ။ မည်သို့မည်ပုံ သူတို့ပြု မူးကမ်းရွာက စာမမှု။ မှတ်ချက်။     ။ (အိမ်ခြေ ၃၀၀ကျော် မီးလောင်ပြာကျခဲ့သော  မူးကမ်းရွာလေးအတွက် ဂုဏ်ပြုရေးသားခြင်း) ဟိန်းတေဇ(pol) 10:25 pm

လက်ချင်းချိတ်ကာ ရှေ့ဆက်ပါ တိုးတိုးတိတ်တိတ် တိတ်တဆိတ်ဖြင့် ပို့ချဆွေးနွေးသင်ကြားပေးရင်း ပြီးဆုံး၍လာ ယနေ့ခါမှာ လူ့အခွင့်ရေးအလေးပေးဖို့ ဆွေးနွေးကြတာ အားရစရာ။ ချိုးဖောက်ခံရ နေ့စဉ်ဘဝမှာ ငါတို့အခွင့်အရေး ပြန်ကာပေးဖို့ တိုက်ထုတ်ရမှာစစ်မိစ္ဆာ။ ပြည်သူ့အခွင့်ရေးလက်မနှေးဘဲ အမြန်ပြန်ရ ထာဝရလှဖို့ တွန်းလှန်ရမှာစစ်ခွေးပါ။ လူ့အခွင့်ရေးတန်ဖိုးထားကာ ထိန်းသိမ်းရမှာပြည်သူသာမို့ ယနေ့တိုက်ပွဲနိုင်အောင်နွှဲဖို့ လက်ချင်းချိတ်ကာ ရှေ့ဆက်ပါ။ ဟိန်းတေဇ (POL) 20-2-2023 (12:08 pm)

ချောသို့ "ဧည့်ခန်းနဲ့ အင်္ကျီကောင်းမှ ဆက်ဆံတတ်တဲ့လူတွေရဲ့ သဘောထားကို သား တူးတူးခါးခါး မုန်းတယ်အမေ"။ ဦးချောရေ... ဧည့်ခန်းနွမ်းနွမ်း အင်္ကျီစုတ်စုတ်နဲ့ တိုင်းပြည်မှာ လူဖြစ်လာသူ ပြည်သူတွေပါ။ ဦးချောအလိုအရ ရေရောထားတဲ့ ညရယ်လို့ တစ်ခါမှ မရကြသူတွေပေါ့။ ဒီသံသရာမှာ ကမ္ဘာ့အမှုန်အမွှား နိုင်ငံတစ်ခု လူ့ဘဝကို " လု " နေရတဲ့သူတွေ နေပါတယ်။ ဘယ်သူမှမရှိဘူးလို့ နားလည်လာလေလေ ရုန်းကန်မှုတွေကို ​​ကြေကွဲရလေလေပါပဲ။ ဒီတစ်ခါ လောကဓံတရားဟာ မချစ်ရဲ့အရက်ထက်ပြင်းပါတယ်။           ။  ရင်သွေး

အညာနွေ လောကဓံလို၊ သောကလို၊ ချစ်သူနဲ့ကွေကွင်းရသူလို၊ ဉဩသံ တစ်ခွန်း တစ်ပါဒနဲ့တော့ ဖြေလျှော့လို့ ပြေလျော့နိုင်ရိုးလား။ စစ်တလင်းမြေမှာ "နွေ" အလည်ရောက်ခဲ့ပေါ့။ ရင်သွေး

သမိုင်းပြပွဲ ကမ္ဘာကြီးကို နားစွံ့ပြီး အများကြီး မသိချင်တော့ဘူးကွယ်။ ဗိုင်းရက်စ်တွေ ဇာတ်ဆောင်ဖြစ်နေတဲ့ ဇာတ်လမ်းမှာ ဇာတ်ပို့ဇာတ်ရံတွေဟာ ကူးစက်ရောဂါ ဗရပွနဲ့ "မလှမပ" သေပြရတာပါပဲ။ သမိုင်းအမှားမှာ တစ်ဝမ်းတခါးများ  တစ်ခမ်းတနားကြီး ကျိန်စာသင့်ခဲ့ပေါ့။     ။  ရင်သွေး

ဆုံလို့ကြုံခဲ့ရပြီးပြီ ခွဲခွာဖို့ပဲဦးတည်ထားရတော့တယ် ရထားတွဲခေါင်းထဲ ကျောချင်းကပ်လျက်ထိုင်ပြီးဝေးကြရတာ လူတိုင်းပေါ့ နီးနီးလေးနဲ့ဝေး ဝေးရင်းဝေးရင်းထပ်ဝေး....💨 ကျွန်တော်

မိန်းကလေးမဆန်တဲ့ မိန်းကလေးတစ်ဦး - ၁၀ အလွမ်းတွေဟာ နေ့တိုင်းလွမ်းနေရတယ် မင်းတကယ်ဘယ်ပျောက်နေတာလည်း ကိုယ်လေ မင်းကြောင့် ရှာပုံတော်ငနဲတစ်ကောင်ဖြစ်နေပြီ ပြဿနာတွေများတဲ့ကိုယ့်ဘဝမှာ မင်းကိုမတွေ့ရခြင်းနေ့ရက်တွေဟာ ကိုယ့်ကိုသေမိန့်ပေးတဲ့ အခိုက်အတန့်တွေပါ တယုတယမြတ်နိုးချင်မိတာပါ မြတ်စွာဘုရားဆင်းချွတ်တောင် ကိုယ်မကျွတ်နိုင်ဘူး ပျို ကိုယ်ဟာချို့တဲ့ပါတယ် နှလုံးသားကတော့ ခမ်းနားပါတယ် မင်းရဲ့ကမ္ဘာထဲကို ကိုယ်ဖြေးဖြေးမှန်မှန်နဲ့ ပစ်ဝင်နေပြီကွယ်....။       ။  ကျွန်တော်

ကျွန်တော်ချစ်သော...သူမ ထိုနေ့ညက သူမကို ကျွန်တော်အိမ်သို့ခေါ်လာခဲ့သည်။ သူမဖို့ နေစရာလေး အသေအချာလုပ်ပေးပြီး ဂရုစိုက်ခဲ့ပါသည်။ မေမေကတော့ အကဲပိုတယ်ဟုကျွန်မအား ပြောပါသည်။ မှန်ပါသည်။ ကျွန်တော်၏ မေတ္တာများ သူမပေါ်သို့ ဝပ်စင်းခယခဲ့ချေပြီ...။ ကျွန်တော် မနက်အိပ်ရာထတော့လည်း သူမဆီကိုပဲ စိတ်ရောက်နေမိသည်။ သူမကို အပြေးသွားကြည့်ရသည်။ ကျွန်တော်ကိုယ်တိုင် သူမကိုအစာကျွေး၊ ရေတိုက်ကာ ဂရုစိုက်စောင့်ရှောက်၍ အားလပ်ချိန်များမှာ သူမနှင့်ပင် ကုန်ဆုံးခဲ့ပါသည်။ ကျောင်းပြန်လာတော့လည်း အပြေးကလေး သွားခဲ့ရသည်။ သူမ ကျွန်တော်တို့အိမ်စရောက်တဲ့နေ့မှာ အဆင်မှပြေပါ့မလားဟု စိုးထိတ်ခဲ့ရသေးသည်။ နေရာစိမ်းမှာ သူမ တစ်ခုခုဖြစ်နေမလား?  ထို...ထိုအတွေးတွေနဲ့စိတ်စောကာ ကျောင်းအပြန်ခြေလှမ်းတွေလည်း ကျဲခဲ့ရသည်။ ကျီ.....ကျိ အား!!!  ဗုဒ္ဓေါ ကားဆရာ အချိန်မီဘရိတ်နင်းလိုက်၍သာ...နို့မို့ ကျွန်တော်အိမ်မရောက်မီ ကားဘီးအောက်မှာ ပြားပြားဝပ်ကာမကယ်နိုင်မရှုသာ ဖြစ်ရချေတော့မည်။ သူမအကြောင်းတွေးကာ ပတ်ဝန်းကျင်ကိုသတိမပြုမိသော ကျွန်တော်လည်း ထိုအခါမှ သက်ပြင်းချ၍ အိမ်ကိုပြန်လာခဲ့ရသည်။ သို့တိုင်လည်း အတွေးများကား ကျွန်တော်နှင့် တဝဲလည်လည်..... ကလေးလေးတစ်ယေ...

အိမ်လွမ်းနာ (၄) တပေါင်းလလိုအချိန်ဟာ တစ်ချိန်ကအညာမြေအတွက် သာယာမှုတွေနဲ့ ကြည်နူးပျော်ရွှင်စရာပေါ့။ စာဆိုရှင် ဦးယာကတော့ တပေါင်းလရဲ့ သာယာပုံကို “တပေါင်းညှာကျင်” (အဲချင်း) မှာ တပေါင်းငယ်မှ ညှာကျင် နွေဦးဆန်းသစ်၊ ရွက်ရော်လှစ်လို့ ပုရစ်ကယ်ရွှေဥ၊ ပင်တိုင်းစုကြသည် နုညိုစင်ငယ်တဲ့လေ...လို့ ရေးဖွဲ့ထားပါတယ်။ ကဗျာ စာပေပညာရှင်အတော်များများကလည်း တပေါင်းလဟာ ၁၂လထဲမှာ အလှဆုံးလဖြစ်တာကြောင့် တပေါင်းလခေါင် သာများနောင်လို့တောင်တင်စားကြတာပါ။ တပေါင်းလရဲ့ အဖွဲ့တွေထဲမှာ စာဆိုဦးကြင်ဥရဲ့ အဖွဲ့တစ်ခုဖြစ်တဲ့ တပေါင်းလဖွဲ့ဟာ ရက်ကို အထိမိဆုံးနဲ့ သရုပ်အပေါ်ဆုံးဖြစ်ပါတယ်။ “ရှစ်ခွင်တိုင်း မှုန်မှိုင်းတဲ့ ပတ်လည် သဇင်ကြွင်းငယ်နှင့် အင်ကြင်း သန္တာ ညွန့်ငယ်တို့ ဖူးကွန့်ကိုက်စည် ဘမရာ ရွှေပိတုန်းငယ်တို့ ချွေသုံးကြ ဝတ်ရည် ဆွတ်ကြည်ဘွဲ့ ဖော်ကွဲ ယင်းသည့်နေ့ဆိုင် ရသေ့သူတော်တိုင်မှ ဉာဏ်မခိုင် စျာန်ယိုင်လို့ လျှောရတယ် ရာသီတွင် ခါညီပြောပေပ ကြော၍သာမြဲ” တဲ့။ တကယ်လည်း လှကိုလှတဲ့ လတစ်လပါ။ အညာဒေသရဲ့ တပေါင်းလရှုခင်းဟာ ဆိုရင်လည်း ကြည့်တဲ့နေရာတိုင်းမှာ ရွက်ဟောင်းတွေကကြွေပြီး လေမှာဝဲနေသလို ရွက်သစ်၊ ရွက်နု၊ ပုရစ်ဖူးစိမ်းစိမ်းလေးတွေ၊ နီနီလေးတွေကို ...

အလှအပနှင့် အဆိပ်သင့် ဆက်ဆံရေး ဒီနေ့ကတော့ ဘာရယ်မဟုတ် Facebook သုံးရင်း MLM (multi level marketing) စနစ်နဲ့သွားတဲ့ skincare တွေ၊ အဆီကျဆေး၊ ကော်ဖီတွေလိုမျိုး တွေ့တာများလာလို့ စာလေးတစ်ပုဒ်ရေးဖို့ အာရုံရလာတော့တယ်။  Ingredients တွေ Country origins တွေ ရှည်ရှည်ဝေးဝေးမပြောတော့ပါဘူး။ ပထမဆုံး Beauty နဲ့ ဆိုင်တဲ့ group တွေထဲ အမေးအများဆုံး ကိစ္စ။ "ဒါကောင်းလားဟင်။ Review လေးပြောပြပါဦး" ဆိုတော့ ဒီမေးခွန်းက ကိုယ့်ရဲ့ signature မျက်နှာကို သူများပြောတဲ့ "ကောင်းတယ်၊ မကောင်းဘူး" ဆိုတဲ့ အဖြေပေါ် မူတည်ပြီး အဆုံးသတ်လိုက်တာနဲ့ အတူတူပါပဲ။ လူတစ်ယောက်ချင်းတောင် နာမည်မတူ၊ နေရပ်မတူ၊ တစ်နေ့တာ လှုပ်ရှားသွားလာတဲ့ lifestyle မတူတာ အသားအရေချင်းတူ၊ အသားအရေပြဿနာချင်းတူဖို့ဆိုတာ ဖြစ်နိုင်ပါ့မလား။ ပြီးတော့ ကိုယ်သုံးမယ့် ပစ္စည်းရဲ့ ဇစ်မြစ်ကိုတောင် ကိုယ်ကိုယ်တိုင်ရှာဖို့မကြိုးစားဘဲ သူများကို အားကိုးနေတာ လှဖို့ဆိုတာ ဖြစ်နိုင်ပါ့မလား။  "...ပျောက်ဖို့ အာမခံပါတယ်" Group တွေထဲမှာ ပြီးတော့ facebook post တွေမှာ မကြာခဏ တွေ့နေရတဲ့ စာသားလေးတစ်ခုပေါ့။ သတိထားမိမလားတော့မသိဘူး။ တကယ့် နိုင်ငံတကာကို ဖြန့်ကျက...