ClickforKachin C4K

အိမ်လွမ်းနာ (၂) သမုန်းဖူးသုတ် အခုတလော ကျွန်တော်တို့ အညာဘက်ကလူတွေအပြောများနေတဲ့ စကားလေးတစ်ခုကို အတွေ့များနေတယ်။ “အညာမှာနေပြီး အညာကိုပြန်လွမ်းနေရတယ်” တဲ့လေ။ ဒီစကားစုရဲ့ ဆိုလိုရင်းကို သေသေချာချာတွေးရင် ရင်နာဖို့အရမ်းကောင်းတာ။ တိုက်ပွဲတစ်ခုဖြစ်ပြီဆို မင်းအောင်လှိုင်ရဲ့ လက်ပါးစေတွေက တိုက်ပွဲအနီးအနားမှာရှိတဲ့ ရွာတွေကို မီးတင်ရှို့တယ်။ တွေ့သမျှ လူရော၊တိရိစ္ဆာန်ပါမကျန် မည်းမည်းမြင်ရာပစ်တယ်။ စိတ်ပေါ့သွပ်နေတဲ့ သူတွေပါမကျန်သတ်ဖြတ်တယ်။ ရွာလုံးကျွတ် မီးရှို့ခံကြရတဲ့အချိန်မှာ မပြေးနိုင်လို့ကျန်ခဲ့ရတဲ့ သက်ကြီးရွယ်အိုတွေ၊ ရောဂါဝေဒနာခံစားနေရတဲ့သူတွေလည်း မီးရှို့တဲ့အထဲမှာပါပြီး ပူလောင်နာကျင်မှုများစွာနဲ့ သေဆုံးခဲ့တာဟာ အရေအတွက်မနည်းတော့ပါဘူး။ တော်လှန်ရေးအရှိန်ကောင်းကောင်းနဲ့ စီးဆင်းနေတဲ့ဒေသတွေမှာ တစ်ခုအပါအဝင်ဖြစ်တဲ့ ကျွန်တော်တို့အညာကရွာများစွာဟာလည်း မင်းအောင်လှိုင်လက်ပါးစေတွေရဲ့ လူမဆန်မှုတွေကြောင့် မီးလောင်ပြင်ဖြစ်ခဲ့ရတာပါ။ အခုဆိုရင် မီးရှို့ခံရတဲ့အိမ်ခြေတွေဟာ သောင်းဂဏန်းကိုချီလို့နေပါပြီ။ စစ်တပ်၀င်လာလို့ရရာဆွဲပြီးပြေးကြတယ်။ နောက်ရက်စစ်တပ်သွားပြီသတင်းရလို့ ရွာပြန်ကြည့်ရင် မီးလောင်ပြင်ဖြစ်နေတဲ...

လွမ်းမိတဲ့ အမေ့လက်ရာ (၃) မြူရွက်သုပ် ဒီလိုကာလဆိုတာ မြူရွက်လေးတွေ လှိုင်လှိုင်ပေါ်တဲ့ ကာလပေါ့။ ဆောင်းရာသီစ၀င်တည်းကနေ မြူရွက်လေးတွေ စပေါ်လိုက်တာဟာ ဆောင်းကုန်ခါနီးတဲ့ အထိပါပဲ။ ပြီးတော့ကျွန်တော်တို့ အညာမှာဆို မြူရွက်ကို ကြော်စား ၊ချက်စား ၊သုပ်စား အစုံလုပ်စားကြတာပဲ။ ကျွန်တော်ကတော့ သုပ်စားတာကို အကြိုက်ဆုံးပါပဲ။ မြူရွက်ဟာ Amaranthaceae မျိုးရင်းထဲမှာပါပြီး နိုင်ငံ၊နေရာဒေသအလိုက် lamb's quarters, melde, goosefoot and fat-hen စသည်ဖြင့် အခေါ်အဝေါ်လေးတွေကွဲပြားပါတယ်တဲ့။ ကျွန်တော်တို့နိုင်ငံမှာတော့ မြူရွက်လို့ပဲ ခေါ်ကြတာတွေ့မိပါတယ်။ သူဟာ ရာသီစာတစ်မျိုးဖြစ်ပြီး နိုင်ငံအတော်များများပေါက်တာဖြစ်လို့ လူကြိုက်များတဲ့ အစားအစာတစ်ခုလည်းဖြစ်ပါတယ်။ မြူရွက်ဟာ ဆေးဘက်လည်း၀င်သလို လူကိုကောင်းကျိုးပြုတဲ့ ဗီတာမင် အေ, ကယ်လစီယံ၊ ဖောစပရပ်၊ ပိုတက်စီယံ တွေလည်းပါဝင်ပါသေးတယ်။ အရွက်ကို အစိမ်းအတိုင်း စားလို့တော့မရဘူးပေါ့။ အရွက်တွေကိုရေနွေးနဲ့ပြုတ်ပြီး စားသုံးသင့်ပါတယ်။ ဘာကြောင့်လဲဆိုတော့ အရွက်ထဲမှာ oxalic acid ပမာဏများစွာပါဝင်နေလို့ပါ။ မြူရွက်ကို စျေးထဲမှာ အပင်လိုက်အစည်းလေးတွေအပြင်၊ အနုလေးတွေချွေပြီး ပ...

လက်ခံရုပ် နာမ်ကိုစုပ်စေ လက်ကောက်ဝတ်ကို ဓါးနဲ့လှီးလိုက်ပြီး ကျလာသမျှ သွေးတွေနဲ့ စက်ဝိုင်းတစ်ခုခြယ် အောက်လမ်းနဲ့ရေးတဲ့ စာတစ်ခုကဗျာတစ်ခု စွန့်ထုတ်လိုက်တဲ့ ငါ့သွေးကို သောက်သုံးပါဟု အပေးအယူလုပ်ပါမည် ဗိုလ်ချုပ်အောင်ဆန်းရဲ့ ဝိညာဉ် ငါ့ကိုယ်ထဲကို ဝင်ရောက်စီးဆင်းစေ ပြီးတော့ အသေကောင်နိုင်ငံတော်ရဲ့ သေရွာပြန်စီမံကိန်းကို တစ်ဆင့်ပြန်လည် အမိန့်ပေးစီမံတည်ဆောက်စေ စာလေးရေးလို့ အေးဆေးနေချင်ခဲ့တယ်ဆိုတဲ့ စိတ်ကူးအတိုင်း သူရှိရင် သူရေးမယ့်စာ ငါ့နှလုံးအိမ်မှာ ထားခဲ့စေ။ နေမင်း လမင်း အရှင်းသိစေ ဤဆုတောင်း ငါ့စာ ငါ့ကဗျာကို သူတို့ထိန်းချုပ် ငါ့ရင်ထဲ သူတို့ပျိုးထားတဲ့ ကဗျာပန်းခင်းနှင်းမြို့ နွေဦးရောက်ပြီမလို့ ပွင့်ပါစေကုန် ကဗျာပန်းလန်းဆန်းစွာ လေတိုက်ရာကို ငြိမ့် ဦးအောင်ချိမ့် မောင်ချောနွယ် ဖော်ဝေး ကြည်ဇော်အေး အတွေးစကျန်ရစ်သူ ကဗျာဆရာများ ငါ့လက်ထဲက ခဲတံချွန်ဖျားကို ထိန်းညှိ ကမ္ဘာသိဖို့ မြန်မာသိဖို့ဆိုပြီး ရည်ရွယ် ရေးပေးကြစေလိုပါတယ် လက်ခံမယ့် ဤရုပ် အသင်တို့ရဲ့ပြေးလွှားနေတဲ့ အရပ်ဆယ်မျက်နှာက နာမ်တွေကိုစုပ်ယူပါမည်။ ဆရာအကြည်တော်ရဲ့ ဝိညာဉ် ငါ့နားရွက်နှစ်ဖက်နား တိုးတိုးပြောသွားစေ ဝမ်းနည်းခြင်းနိုင်ငံတ...

နိုင်ငံတော်နှစ်ခြမ်း "အရှုံးမပေးနဲ့မိငယ်ရေ"ဆိုပြီး Rockerပုံစံဘဲကြီးက ဘီယာခွက်ကိုင်ပြီး စတိတ်စင်ပေါ်ကနေ အသံကုန်ဟစ်နေတယ် "အမှန်တရားကိုရရင်ရ ပြန်မရရင်အဆုံးထိသွားမှာပါ" Club ထဲကနေ ကျယ်လောင်စွာ မရှက်ဖွယ်ထွက်လာနေတယ် အရင်က ပြည်သူ့ဘက်သားအနုပညာရှင်က အခုတော့ဝမ်းရေးအတွက်ဆိုပြီး နေသားကျပြ အနုပညာလုပ်ကိုင်နေတယ် တော်လှန်ရေးဆိုတာ လမ်းမပေါ်ကရန်ပွဲမျိုးမဟုတ်ဘူး အခုတော့ ကလေးတွေ ဆော့သလို ပျင်းသလို ဖြစ်သွားနေကြတယ် တို့ပြည်တော်ဟာ လူငယ်တွေတစ်ပုံကြီးပါ ကျည်ဆံတွေနဲ့လူငယ် အိပ်မက်တွေနဲ့လူငယ် တောထဲကလူငယ် မွေ့ယာပေါ်ကလူငယ် ဝမ်းရေးနဲ့လူငယ် လူငယ်မဟုတ်တဲ့လူငယ် လူငယ်တွေများတယ် လူငယ်တွေကွဲတယ် တချို့က နိုင်ငံခြားကိုထွက်နေတဲ့အချိန် တချို့က တောထဲမှာအသက်ထွက်နေတယ် လူမသိ သူမသိ သေဆုံးသူတွေနဲ့ လူသိ သူသိ ပွဲဖြစ်နေတဲ့သူတွေ ခံရခက်တဲ့ နေ့ရက်တွေပါလား ဂျိုးဖြူငှက်တွေဟာ ငါတို့တွေဆီ ဘယ်တော့များမှ အသိုက်ဆောက်မယ်မသိ နိုင်ငံတော်နှစ်ခြမ်း ရင်နှစ်ခြမ်းကွဲရသလိုမျိုး ဒီမိုကရေစီက တစ်ခြမ်းကွက်ပြီးရနေတယ် တစ်သားတည်း တစ်ဖက်တည်းဖြစ်ဖို့ အလောင်းဘယ်နှစ်ခုလိုပါသလဲ နေသားကျနေသူအပေါင်းတို့.....။ ကျွန်...

မိန်းကလေးမဆန်တဲ့ မိန်းကလေးတစ်ဦး ၆ မင်းရဲ့မျက်မှန်ဝိုင်းမဲကြီးကို ကိုယ်ကြွေတယ် မင်းရဲ့ပါးချိုင့်နက်နက်ကြီးကို မြတ်နိုးတယ် မင်းရဲ့အရပ်ကြီးကို ကိုယ်အားကျတယ် Clickအနက်ရောင်ဆိုင်ကယ်ပေါ်က မင်းဟာ ကိုယ့်အတွက်ရတနာတစ်ပါးပဲ ကိုယ်ကတော့ မင်းကိုစွဲလန်းနေပြီ မင်းကြောင့် မရေးတတ်ရေးတတ်နဲ့ ကဗျာတွေချရေးနေပြီ ခေါင်းစဥ်က "မိန်းကလေးမဆန်တဲ့ မိန်းကလေးတစ်ဦး" ကိုယ်ကအလံဖြူပြစရာမလိုပါဘူး မင်းနဲ့စတွေ့ကတည်းက အလံဖြူဖြစ်နေပါပြီ ချစ်ခြင်းမေတ္တာဆိုတာ ရိုးရှင်းပါတယ် အချစ် မင်းရဲ့မနက်ခင်းအိပ်ရာထ အလှကသာ ကိုယ်ရဲ့နေမဝင်အင်ပါယာ ကျွန်တော်

အိမ်လွမ်းနာ(၁) ငါးကချင်ချက် အိမ်လွမ်းနာဆိုတာမျိုးက ကိုယ့်အိမ်နဲ့ ဝေးတဲ့အရပ်မှာ ရောက်နေတဲ့သူတိုင်းခံစားဖူးတဲ့ ဝေဒနာတစ်မျိုးပေါ့။ တချို့တွေက နိုင်ငံရပ်ခြားမှာ အလုပ်သွားလုပ်ကြလို့ အိမ်နဲ့ဝေးကြရတယ်။ တချို့တွေကလည်း ပျော်ရာမှာမနေ တော်ရာမှာနေဆိုသလို မိမိမှာရှိတဲ့ အခက်အခဲအကြပ်အတည်းတချို့ကြောင့် ဇာတိမြေက အိမ်နဲ့ခွဲခွာပြီး နေကြရတယ်။ တချို့ကတော့ ဒီမြေမှာနေ ဒီရေကိုသောက် ဒီလေကိုရှူရင်းနဲ့ပဲ ပြည်တွင်းစစ်မီးကနေ ရှောင်ပြေးကြရင်း စစ်ဘေးရှောင်စခန်းတွေမှာ ခိုလှုံကြရင်း အိမ်နဲ့ဝေးကွာကြရတယ်။ အကြောင်းကိစ္စလေး တစ်စုံတစ်ရာ... ရနံ့သင်းသင်းလေးတစ်ခုခုပဲဖြစ်ဖြစ်...အရောင်လေးတွေပဲဖြစ်ဖြစ်...ပြောရင်းဆိုရင်း တိုက်ဆိုင်မိသွားတဲ့အခါ ဖျက်ခနဲ ငိုင်ကျသွားရလောက်တဲ့အထိ တိတ်ဆိတ်သွားရတဲ့ ဝေဒနာမျိုးပေါ့...။ နွေဆိုပူ၊ မိုးဆိုမိုးကမလုံ၊ ဆောင်းဆိုအသည်းခိုက်အောင်အေးတဲ့ အအေးဒဏ်ကနေ မကာကွယ်နိုင်တဲ့ နေရာမျိုးတွေမှာ ရက်တွေ လတွေနဲ့ချီပြီးနေကြရတာပါ။ ကျွန်တော်တို့ ဆုတောင်းကြတာ တစ်ခုရှိတယ်မဟုတ်လား။ ပေးသောလက်ပဲဖြစ်ပါရစေ။ ယူသောလက်မဖြစ်ပါရစေနဲ့ဆိုတဲ့ ဆုတောင်းလေးကို။ အဆင်မပြေတဲ့ အခိုက်အတန့်လေးမှာ သူတစ်ပါးလှူဒါန်းတာကို လက်ခံပြီး အသက်ဆက်နေရတဲ့ ခ...

တစ်ရှူးမရှိသော မျက်ရည်တွေအတွက် ကဗျာစာရွက် “ကောင်းသောညပါလို့ တစ်ကြိမ်မှမကြားခဲ့ဖူးဘူး” မူးရူးသူများ စိတ်တိုင်းကျ ဖျော်ဖြေရ ညများစွာ အပျော်ရှာသူများကြား အလှကြွားပုံစံဝတ်စုံ ကုန်စင်ပြီးသော မာနကိုမှ ဆွဲတင်ထားလည်း အထင်သေးဆဲ သူတို့မျက်လုံးများထဲ ခေတ်ပျက်ရဲ့သားကောင်ချင်းတူတူလည်း ကပ်ဖားဆွဲလှယ် ကျွမ်းသူက တက်နင်းသွားတတ်ပြန်တယ် အိမ်အပြန် လှဲအိပ်ချ ငိုချင်လှလည်း ဆေးပြားပဲမျိုချ လှပသော အိပ်မက်လေးများ မမျှော်လင့်ထားပါဘူး ထူးထူးခြားခြားမရှိသော အိပ်ပျော်ခြင်းကိုသာ အလိုရှိသည် ငါတို့ရဲ့ အသွေးအသားကနေ ကြီးပြင်းလာသူများက ပြသသွားတဲ့ အထင်သေး မလေးစားမှုများကိုလည်း “ဒီလိုပါပဲ” ဆိုပြီး မျိုချမေ့ဖျောက် အမေတစ်ယောက်ရဲ့ ခိုးသောက်ထားတဲ့ ဝိုင်ပုလင်းခွံတွေ သက်သေအဖြစ်ရောက်ရှိနေပါပြီ။ “အမေက အမြဲ သောက်ပဲနေတော့တာပဲ။” အပြစ်တင်စကားများထဲ “အဖေဘယ်မှာလဲ” မေးခွန်းကြားတော့လည်း ပစ်လဲသွားချင်လျက် တည့်တည့်ကြီး ရပ်ကြည့်နေမိရတယ် ဘဝဆိုတာ အသက်ရှင်တယ်ဆိုတာ ဘာကြီးလဲလို့လည်း မေးခွန်းထုတ်ချင်မိပါလိမ့်မယ် အမြင့်ရောက်ဖို့ စွန်းထားတဲ့ ကုတင်ပေါ်က သွေးကွက်တွေကို အုပ်ပြီး ရွှေလည်ဆွဲနဲ့ ခေါင်းမော့ထားတဲ့ ကောင်မကိုကြည့်ရင်း တစ်ချက်ရယ်လိုက်တယ် “နင်ရ...

စခန်းငယ်အတွင်းစီးတဲ့မြစ် ဘုရားကဖန်ဆင်းတော်မူတာလား အဖေ့သုတ်ပိုးကဖန်ဆင်းတော်မူတာလား ရေရေရာရာ သေချာမသိပေမဲ့ ကျိန်းသေတာ လူတွေကိုဒုက္ခပေးဖို့ ငါတို့အသက်ရှင်ခဲ့တယ်။ ကောင်းကင်ဘုံကနတ်တွေနဲ့ အသူရကာယ်ဘုံက မကောင်းဆိုးဝါးတွေ နိုင်းမြစ်ရဲ့လေဟာနယ်ထဲ စစ်မက်ထူပြောနေချိန် စပါးနှံချီပြီး အတောင်ဖြန့်ကားထားတဲ့ ငှက်တွေ ခေတ်တိုင်းမှာရှိခဲ့တယ်။ ရွှေဝါရောင်စပါးခင်းကို ကုန်ချောအဖြစ် ထွင်းထုလိုက်တဲ့အခါ လယ်သမားတွေဟာ ဖိနှိပ်ခံပြည်သူတွေဖြစ်လာ တစ်နေ့၈နာရီထက် အလုပ် ပိုပိုလုပ်ကြရလည်း အခြေခံလစာ ၄၈၀၀အတွက် လက်သီးတွေဆုပ်ရ ကြွေးကြော်သံကိုအာခေါင်ခြစ်လို့ ထုတ်ရ ရဲဘော်တို့ရေ လူပဲသတ်ချင်နေတဲ့ကောင် စစ်ပဲတိုက်ချင်နေတဲ့ကောင် သေနတ်သံ တဒိုင်းဒိုင်းဖောက်မှ စားဝင်အိပ်ပျော်တဲ့ကောင်ရှိခဲ့မယ်ဆိုရင် မတ်တပ်ရပ်ပါ သူ့ကိုတင်းတင်းကျပ်ကျပ် ပွေ့ဖက်ပေးဖို့ လိုနေပြီ။ ငါတို့စစ်ပွဲကို ခေါ်ခဲ့တယ် ငါတို့စစ်ပွဲကို စခဲ့တယ် မောင်းပြန်ရိုင်ဖယ်ရရင် ပျော်ပါးခဲ့ပြီး ငါတို့ စစ်ကို ဘာလို့မုန်းတီးလာပါသလဲ တရားသောစစ်မှာ မည်သို့သော အကျိုးရလဒ်ဖြစ်ထွန်းခဲ့ပါသလဲ စီးကရက်ငွေ့တွေ့ကြားထဲ အိမ်မပြန်ဖြ...

မိန်းကလေးမဆန်တဲ့ မိန်းကလေးတစ်ဦး ၄ မင်းဆီက အချစ်ရဖို့အတွက် ကိုယ်ဟာစိတ်ရှည်စွာစောင့်နေပါတယ် ဒါကြောင့် ဆံပင်ရှည်ထားတာပါတယ် ဇန်နဝါရီဟာ အလွန်အေးတယ် မင်းလေးနွေးဖို့အတွက် ကိုယ်ရဲ့မေတ္တာ စောင်ထည်ခြုံပေးထားပါတယ် ကိုယ်မမှီတဲ့အရာပေါ်က အရာဝတ္ထုတွေကို ကိုယ့်ထက်အရပ်ရှည်တဲ့ မင်းကယူပေးပါ မိန်းကလေးမဆန်တဲ့ မိန်းကလေးရေ မင်းရဲ့ယောကျ်ားသံကြီးနဲ့ ရယ်သံက ကိုယ့်ရင်ထဲမှာ တေးသွားတစ်ပုဒ်ဖြစ်နေပြီ ကိုယ်နဲ့မင်းဟာ ပြောင်းပြန်အတွဲတွေပဲ ကိုယ်ဟာ မင်းရဲ့ရင်ခွင်ကိုမှီတဲ့အရပ်ပဲ.....။ ကျွန်တော်

နှစ်သစ်ဆုတောင်း အမြင်ကျဉ်းမြောင်း စိတ်ကျဉ်းမြောင်း၍ တွင်းအောင်းရသည့် ဘဝမှ လွတ်ပါစေ။ စိတ်ဓာတ်သေးနုပ် ဥာဏ်သေးနုပ်၍ ချုပ်ချယ်မှု အမျိုးမျိုးမှ လွတ်ပါစေ။ တို့အချင်းချင်း ခေါင်းထက်နင်း၍ သိမ်ဖျင်းလုပ်ဇာတ် စိတ်ယုတ်ပတ်နှင့် ပုတ်ခတ်ကြသည့်ဘဝမှ လွတ်ပါစေ။ သူကမမှန် ငါကမှန်ဟု တယူသန်စွဲ စိတ်သေးဖွဲနှင့် ငရဲဘဝမှလည်း လွတ်ပါစေ။ သူ့ဂုဏ်ကိုချ ကိုယ့်ဂုဏ်ပြကာ မာနစကား တဖွားဖွားနှင့် အမှားကမ္ဘာမှလည်း လွတ်ပါစေ။ မကောင်းမှုခင် ကောင်းမှုကြဉ်သည့် ဥာဉ်ဆိုးဥာဉ်မိုက် မီးပုံမြိုက်၍ ငိုရှိုက်ရခြင်းမှလည်း လွတ်ပါစေ။ နှစ်သစ်မြတ်ဆု ဤကောင်းမှုကြောင့် သာဓု...သာဓု...သာဓု ခေါ်စေသော်ဝ်။ အမျိုးသားကဗျာဆရာကြီးတင်မိုး Respect & Credit to Poet Tin Moe

Dry Skin or Dehydrated Skin? ခြောက်သွေ့နေတာနဲ့ ရေဓာတ်ခမ်းခြောက်နေတာ… စကားနှစ်လုံးက သုံးရလွယ်ပေမယ့် skincare နဲ့ ပတ်သက်လာရင်တော့ မရောထွေးသင့်တဲ့အထဲမှာ ပါတယ်နော်။ ပြဿနာ နှစ်မျိုးစလုံးကတော့ အသားအရေခြောက်တာ၊ ယားယံပြီး အဖတ်လေးတွေကွာတာဖြစ်ပေမယ့် ပြုစုစောင့်ရှောက်တာကတော့ ကွာသေးတယ်။ Skincare product တွေထဲက ingredient တွေကလည်း မတူတာရွေးချယ်သုံးရသေးတာ။ ခြောက်သွေ့တဲ့အသားအရေ ( Dry Skin ) အဆီပြန်၊ ပေါင်းစပ်အသားအရေတွေလိုမျိုးပဲ ခြောက်သွေ့ခြင်းဆိုတာလည်း skin type တစ်မျိုးပါ။ မျိုးရိုးလိုက်ပြီး အသားအရေခြောက်သွေ့သူတွေက အရေပြားကို သဘာဝအတိုင်းချောမွတ်ပြေပြစ်နေစေဖို့ lipid လို့ခေါ်တဲ့ အရေပြား သဘာဝအဆီဓာတ်ကင်းမဲ့နေ ကြတယ်။ အဲဒါကြောင့် အသားအရေက နီရဲပြီး အဖတ်လေးတွေလန်နေတာမျိုး၊ ယားယံတာမျိုး၊ တစ်ခါတစ်ရံ ဖုန်မှုန့်လေးတွေလိုမျိုး အမှုန်လေးတွေ ထနေတတ်တယ်။ မျက်နှာတစ်ခုတည်းတင်မဟုတ်ဘူး ဦးရေပြားလည်း ခြောက်သွေ့နိုင်တယ်။ ဒီလိုအရေပြားပိုင်ရှင်တွေဆိုရင် အရေပြား barrier function ကို ပြန်လည်အားကောင်းစေမယ့် အသားခြောက်တာကို သက်သာစေမယ့် Jojoba oil, squalene, almond oil တို့လိုပါဝင...

တင်ပါးပေါ်က ဝက်ခြံတွေ… ဒီတစ်ခါတော့ အများစုဖြစ်လေ့ဖြစ်ထရှိတဲ့ Booty Acnes အကြောင်းပေါ့။ Booty Acnes လို့သာပြောတာ။ တကယ်က ဝက်ခြံမဟုတ်ဘူး။ တင်ပါးကမွေးညှင်းလေးတွေ ဘက်တီးရီးယား ဒါမှမဟုတ် မှိုရောဂါကြောင့် ရောင်ရမ်းတာမျိုး ဒါမှမဟုတ် တင်းကြပ်လွန်းတဲ့ အဝတ်အစားတွေဝတ်တဲ့အခါ အရေပြားနဲ့ အဝတ်ပွတ်တိုက်ရင်း ရောင်ရမ်းတာ။ ပြီးတော့ waxing လုပ်တာ မမှန်လို့ ဖြစ်တာမျိုး။ Folliculitis လို့ခေါ်တယ်။ ဒီအဖုလေးတွေက ကနဦးဆို သေးသေးလေးတွေ။ ဒါပေမယ့် နောက်ပိုင်း ရောင်းရမ်းပြီးတဲ့အခါကျ ညှစ်လိုက်ရင် အဖြူဆံလေးတွေ အရည်ကြည်လေးတွေထွက်တဲ့ ဝက်ခြံလိုမျိုးဖြစ်လာကြတယ်။ ဘာမလုပ်သင့်ဘူးလဲ Exfoliate လုပ်တာအများစုတွေ့နေရတယ်။ လုံးဝ scrub မလုပ်ပါနဲ့။ Scrub က နဂိုတည်းကရောင်ရမ်းနေတဲ့ အဖုလေးတွေကို သွားဆွသလိုဖြစ်ပြီး ပိုဆိုးလာနိုင်ပါတယ်။ Scrub ကြောင့် အမာရွတ်ထတာမျိုးတွေဖြစ်လာနိုင်ပါတယ်။ Waxing လုပ်တာလည်းရှောင်ပါ။ ရောင်ရမ်းနေတဲ့ မွေးညှင်းပေါက်လေးတွေကို wax နဲ့အတူ ပိုဆိုအောင်လုပ်လိုက်သလို ဖြစ်သွားစေပါလိမ့်မယ်။ ဒါမျိုးတွေရှောင်လေ အမာရွတ်ဖြစ်ဖို့ အခွင့်အလမ်းနည်းသွားလေပါပဲ။ ဘယ်လိုကာကွယ်နိုင်သလဲ Salicylic acid ...

ဆောင်းရာသီမှာတောင် ဖူးဖူးကြွကြွ နုနုယွယွလှပတဲ့ နှုတ်ခမ်းသားတစ်စုံ ပိုင်ဆိုင်ချင်တယ်ဆိုရင် လျှာနဲ့ မလျက်နဲ့ နှုတ်ခမ်းခြောက်နေတော့ လျှာနဲ့သပ်ပြီး စိုသွားအောင်လုပ်ချင်နေမှာပေါ့။ ဒီလိုလျက်တဲ့အတွက် စိုစွတ်သွားမယ့်အစား တံတွေးထဲက enzymeတွေကြောင့် ပိုပြီးခြောက်သွေ့သွားရုံသာ ရှိပါလိမ့်မယ်။ ရှောင်ရမယ့် Ingredients တွေက အများကြီးမရှိပါဘူး။ နှုတ်ခမ်းသားကို soothe ဖြစ်သွားစေလိုလိုနဲ့ခြောက်သွေ့ခြင်းတွေ ယူဆောင်လာပေးမယ့် camphor, eucalyptus နဲ့ menthol တို့ပါ။ မပွတ်နဲ့ နှုတ်ခမ်းသားလေးတွေ အဖတ်လေးတွေ လန်နေလို့ အက်နေလို့ scrub လုပ်တာမျိုး peeling လုပ်တာမျိုး (လုံး၀) မလုပ်မိပါစေနဲ့ ။ ဒီလိုမျိုးလုပ်တဲ့အတွက် နှုတ်ခမ်းဆိုးတဲ့အချိန်တော့ ချောမွေ့ပြီးကောင်းရင် ကောင်းသွားလိမ့်မယ်။ ဒါပေမယ့် နှုတ်ခမ်းအရေပြားဒဏ်ဖြစ်ပြီး ပိုမည်းလာဖို့ပဲရှိပါတယ်။ Product ရွေးချယ်မှု နှုတ်ခမ်းခြောက်သူတွေအနေနဲ့ matte ဖြစ်တဲ့ နှုတ်ခမ်းဆိုးဆေးအမျိုးအစားတွေထက် gloss ဖြစ်တာမျိုး၊ အစိုဓာတ်အများကြီး ဖြည့်ပေးနိုင်တဲ့ lip product မျိုးရွေးချယ်သုံးစွဲနိုင်ပါတယ်။ Yan

ပန်းသီးရှာလကာရည်နဲ့ ကျန်းမာရေး ပန်းသီးရှာလကာရည်ကတော့ အိမ်တွင်းသုံး၊ အလှအပသာမက ကျန်းမာရေးအတွက်လည်း အသုံးဝင်တယ်ဆိုတာ လူတိုင်းနီးပါး သိပြီးလောက်ပြီနော်…။ ဒီလိုဘက်စုံအသုံးဝင်တဲ့ ပန်းသီးရှာလကာရည်က ဘာတွေပါလို့ ဒီလောက်တောင်အသုံးဝင်နေရတာလဲ…? သူ့မှာ ရေ၊ energy၊ carbohydrate၊ sugar, calcium, iron, magnesium, phosphorous, potassium, sodium နဲ့ zinc တို့ပါဝင်နေတယ်။ အဲဒီတော့ ဘယ်လိုအသုံးပြုနိုင်တာလဲ… - သွေးတွင်းသကြားဓာတ်ထိန်းပေးဖို့အတွက် ပန်းသီးရှာလကာရည် လက်ဖက်စားဇွန်း ၁ ဇွန်းနဲ့ ရေတစ်ဖန်ခွက်ရောစပ်ပြီး တစ်နေ့ကို ၃ကြိမ်သောက်သုံးနိုင်ပါတယ်။ - ဝိတ်ကျဖို့အတွက် ပန်းသီးရှာလကာရည် လက်ဖက်စားဇွန်း ၂ ဇွန်းနဲ့ ရေ ၁၆ အောင်စရောစပ်ပြီး နေ့စဉ်သောက်သုံးပေးပါ။ - အစာကြေညက်စေဖို့အတွက် ပန်းသီးရှာလကာရည် လက်ဖက်စားဇွန်း ၂ ဇွန်းကို ရေတစ်ဖန်ခွက်ရောစပ်ပြီး တစ်နေ့ ၃ကြိမ်သောက်နိုင်ပါတယ်။ တကယ်လို့ အရသာမနှစ်သက်ဘူးဆိုရင် ကိုယ်နှစ်သက်ရာ juice တမျိုး ရောစပ်သောက်သုံးနိုင်ပါတယ်။ - ဆံသားအားပြည့်စေဖို့အတွက် ပန်းသီးရှာလကာရည်နဲ့ ရေ ဆတူရောစပ်ပြီး ဦးရေပြားမှာ မိနစ် ၃၀ ခန့် ဆွတ်ထားပေးပါ။ ပြီးမှ ပုံမှန်ခေါင်းလျှော်နေကျအတိုင်း လျှေ...

ဆောင်းရာသီမှာ အရေပြားကျန်းမာနေစေဖို့အတွက် ပုံမှန်ရာသီဥတုမှာဆို နေဒဏ် အပူဒဏ်ကိုသာဂရုစိုက်နေရပေမယ့် အခုလိုဆောင်းရာသီရောက်တော့ အအေးဒဏ်ကိုပါ တစ်ခုပိုပြီးဂရုစိုက်လာရပြန်ရော။ ပိုလာရုံမက အစိုဓာတ်ကိုရှာဖွေနေတဲ့ အေးမြတဲ့လေခြောက်ခြောက်ကြမ်းကြမ်းကြီးတွေက အရေပြားပေါ်ကအစိုဓာတ်တွေကိုတိုက်စားသွားရင်း ခြောက်သွေ့သွားတဲ့အရေပြားကိုမှ နေပူဒဏ်က ကျရောက်တဲ့အခါ နေလောင်ပျက်စီးလွယ်ပြီး တင်းတိတ်ဖြစ်ဖို့ ရာခိုင်နှုန်း များလာပါတော့တယ်။ အထူးသဖြင့် အသားခြောက်သူတွေ ထိလွယ်ရှလွယ် အရေပြားပိုင်ရှင်တွေ အနေနဲ့ပေါ့။ အဲဒီတော့ ဆောင်းရာသီမှာ အရေပြားကျန်းမာရေးကို ဘယ်လိုဂရုစိုက်ကြမလဲ…။ Don’t skip sunscreen! နွေရာသီတစ်ခုတည်း sunscreen လိုအပ်နေတာမဟုတ်ပါဘူး။ UV Raysတွေက နေ့စဉ်နဲ့အမျှ အသားအရေကို ဖျက်ဆီးနေကြတာပါ။ UV Raysတွေကြောင့် အရေပြားကင်ဆာဖြစ်စေနိုင်သလို အရွယ်မတိုင်မီ အိုမင်းရင့်ရော်ခြင်းတွေကိုလည်းဖြစ်စေပါတယ်။ အဲဒါကြောင့် နေ့စဉ်SPF30 နဲ့ အထက် sunscreen ကောင်းကောင်းရွေးချယ်သုံးစွဲပေးပါ။ Invest in a Humidifier!!!!! အေးမြခြောက်သွေ့တဲ့လေထုက အရေပြားပေါ်က နဂိုရှိရင်းစွဲ အစိုဓာတ်ကိုတောင် စုပ်ယူသွားပြီး အသားခြောက်...

အိပ်ရာထဲမှာ တဆစ်ဆစ်ကိုက်တဲ့ ကြမ်းပိုးပြဿနာ ဘယ်လိုဖြေရှင်းမလဲ.... အခုလိုကာလမှာ စိတ်ကဖိစီးရတဲ့အထဲ ညညအိပ်မပျော်.. ရိုးရိုးအိပ်မပျော်ရုံဆိုတော်သေး ဟိုနေရာက တဆစ်ဆစ်နဲ့ ယားလို့ကုတ်လိုက် ဒီနေရာကို ထိုးကိုက်လို့ယားလို့ ကုတ်လိုက်နဲ့ အိပ်ရေးကပျက်တဲ့အပြင် ယားလို့ကုတ်ရင်းဝဲတွေလည်းစွဲနေပြီ…။ ဘာကြောင့်လဲဆိုတော့ အိပ်ရာခင်းထောင့်လိုင်းလေးတွေ၊ စောင်ကြိုစောင်ကြား၊ ကုတင်ကြားက နေရာလေးတွေ၊ ခေါင်းအုံးစွပ်အစွန်းနားလေးတွေမှာ ခိုကပ်နေတဲ့ ကြမ်းပိုးတွေကြောင့်ပါ…။ ဘယ်လိုသန့်ရှင်းရေးလုပ်ကြမလဲ… ကိုယ့်အိပ်ရာကို သေသေချာချာစစ်ဆေး အပေါ်မှာပြေခဲ့သလို ကုတင်တခုလုံးက အိပ်ရာခင်း ခေါင်းအုံးစွပ် ချောင်ကျိုချောင်ကြားမကျန် သေသေချာချာကြည့်ဖို့လိုပါတယ်။ ပြီးရင် Vacuum cleaner နဲ့သာ စုပ်ထုတ်ပစ်ပါ။ ဒါမှမဟုတ်လည်း Brush ခပ်ကြမ်းကြမ်းနဲ့သာ ပွတ်တိုက်ပစ်ပါ။ ဒါပေမယ့် မျက်စိနဲ့ မမြင်ရလောက်အောင်သေးတဲ့ ဥလေးတွေကျန်နေတုန်းပဲ။ အဲဒီအတွက်ကတော့ ရေနွေး၊ ဆပ်ပြာနဲ့ သေသေချာချာစိမ်ပြီးလျှော်ပစ်လိုက်ပါ။ လိုအပ်လာရင် ဖြုတ်၊ ယင်ကောင်လိုမျိုးကပ်တဲ့ sticky pad လေးတွေ ကိုယ်နဲ့ လွတ်လွတ်ကင်းကင်းမှာ ထားထားပေး။ သူတို့သွားရင်းလာရင်း ကပ်သွားအောင်။ ရာနှ...

လွမ်းမိတဲ့အမေ့လက်ရာ (၂) ပိန်းဥနဲ့မုန်ညှင်းစိမ်း ဟင်းချို ပြီးခဲ့တဲ့ လွမ်းမိတဲ့အမေ့လက်ရာ(၁)မှာတုန်းကတော့ မိတ်ဆက်ပေးခဲ့တဲ့ အမေ့လက်ရာ မျောက်ငိုသီးချက်လေးကို ဘယ်သူတွေချက်စားကြဖြစ်လဲမသိပေမဲ့ မျောက်ငိုသီးမှာက အကြမ်းဖျင်းအားဖြင့် လေဖြတ်တာကို ကာကွယ်ပေးနိုင်တာ၊ သွေးတိုးကျစေတာ၊ အစာခြေစနစ်နဲ့ အမြင်အာရုံစူးစိုက်မှုကို ပိုမိုကောင်းမွန်စေတာ၊ ကိုယ်ဝန်ဆောင်မိခင်တွေ အော့အန်တာကို သက်သာစေတာ၊ ခြင်ကိုက်ခံရတဲ့နေရာတွေကို သွေးလိမ်းမယ်ဆိုလျှင် ယားနာခြင်းကိုသက်သာစေသည့်အပြင် အရက်နာကျခြင်းကိုလည်း သက်သာစေနိုင်ပါတယ်။ ဒီတော့ အစာလည်းဆေး၊ဆေးလည်းအစာဆိုသလို စားသင့်တဲ့ ရာသီစာလေးပေါ့ဗျာ။ ဒီတစ်ပတ်တော့ သူငယ်ချင်းတစ်ယောက် လွမ်းမိတဲ့ သူ့အမေလက်ရာလေးကို ရေးမယ်ဗျာ။ တစ်ခုထူးခြားတာက သူကစစ်ကိုင်းက PDF အဖွဲ့ထဲမှာပေမဲ့ ရှမ်းပြည်က ရှမ်းလေးဗျ။ “ဘယ်နေရာ၊ ဘယ်ဒေသသမှာပဲ တော်လှန်တော်လှန် အဓိကက တိုင်းရင်းသားအားလုံးရဲ့ ဘုံရန်သူဖြစ်တဲ့ အာဏာသိမ်းစစ်ကောင်စီတပ်ကို အမြစ်ပြတ်သည်အထိ တော်လှန်ဖို့က အဓိကပါပဲ” ဆိုတာက သူ့လက်သုံးစကားပါ။ အခုချိန်မှာ သွေးခွဲပြီး တော်လှန်ရေးကို အရှိန်လျှော့စေချင်တဲ့ လူတစ်စုလည်း ရှိလာပြီမို့လို့ သူ့လိုမ...

စံပယ် နွေဦးမှာမွေးတယ် စံပယ်ဟာ ကြယ်တွေကို သဘောကျတယ် စံပယ်ပန်းလေး ‌ခေါင်းမှာပန် ဘုရားမှာ စံပယ်ကပ်လို့ ဘုရား၊တရား စကားနာကြား ရွတ်ဆို မေတ္တာပို့ မှတ်ဉာဏ်ကောင်းသူဖြစ်သည်မလို့။ စံပယ့်ဖေဖေဟာ အရက်သောက်တယ် စံပယ့်မေမေဟာ ခဏခဏ ငိုတယ် စံပယ်သိလည်း စံပယ်ဟာ သမီးလိမ္မာထက် ဘာမှလုပ်ဖို့ပိုမတတ်ခဲ့ဘူး စံပယ်ဟာ သူငယ်ချင်းမရှိဘူး ဥယျာဉ်မှူး ပန်းခူးခွင့်ပေးတဲ့ ခြံထဲမှာ ယုန်ရုပ်လေးပိုက်ကာ ဆော့ကစား စံပယ်က မအားရတော့ ပျင်းလည်းမပျင်းဘူး။ စံပယ်ဟာ စာတော်တယ် လိမ္မာသူမလို့ ဆရာမတွေကလည်း ချစ်တယ်။ စံပယ်တို့ရွာဟာ အေးချမ်းတယ် အေးချမ်းတယ်လို့ စံပယ်ယုံကြည်ခဲ့တယ် စံပယ်ဟာ ဘဝအကြောင်း ဘာမှမသိဘူး သို့သော် မိုးခြိမ်းသောညမှာ လှပခြင်းတွေ စံပယ့်မှာမရှိတော့တာ စံပယ်သိတယ်။ အရက်တွေမူးနေတဲ့ ဖေဖေ့မျက်လုံးထဲမှာ စံပယ်ဟာ စံပယ်မဟုတ်ခဲ့တော့ဘူး စံပယ်ဟာ မေမေ့ကိုကြည့်ခဲ့တယ် မျက်ရည်တွေကြားထဲမှာ အမေဟာ အားနာနေတာလိုလို ငိုနေတာလိုလို မရေရာမြင်ကွင်းတစ်ခု ဆေးထုပ်တစ်ခု အမေဖောက်တယ် ပြီးတော့ အမေကပြောတယ်။ “ဒါလေးကို သောက်လိုက်ရင်… အရမ်းလှတဲ့ လိပ်ပြာလေးဖြစ်သွားလိမ့်မယ် လိပ်ပြာဘဝမှာ လိမ္မာပျော်ရွှင်စွာနေပါ သမီးငယ်” အမေဟာ ငိုကြွေးရင်း ပါးစပ်ထဲ အတ...

လူငယ်ဘဝ ကွယ်လွန်သွားခြင်း လူငယ်လေးတစ်ယောက် ခေတ်တစ်ခေတ်ကို လမ်းမှားရောက်လာ သူလာခဲ့တဲ့ ခေတ်က နှစ်(၇၀)သက်တမ်းရင့် အမှောင်ဖုံးပိတ် အမြစ်ရှည်ကြီးစွဲနေတဲ့ ခေတ်ကြီးပဲ။ အပေါ်ယံလွတ်လပ်မှု ခေတ်တစ်ခေတ်မှာ လူငယ်ဟာ လက်ဖက်ရည်ဆိုင်ထိုင်တယ် ဂိမ်းဆော့တယ် လူစုံရင် ဘုံဆိုင်ထိုင်တယ် စာအုပ်ကြိုက်တယ် ဆေးလိပ်ကြိုက်တယ် ဘော်ဒါစုံလိုက်ရင် မွမ်းကြပ်မှုကိုအရည်ဖျော် သီချင်း ရရ မရရ အသံစူးစူးကြီး ခေတ်ထဲအော်ဆို ပျော်ရွှင်ကြတယ် ခေတ်ဟောင်းစွဲကာလ တစ်ခုရောက်တော့ လူငယ်တွေရဲ့ အပေါ်ယံပျော်ရွင်မှုတွေ ဆိတ်သုန်းကုန်တာပဲ အချို့တွေ သပိတ်တိုက်ကြ အတွေးအခေါ်တိုက်ထုတ်ရင်း အခြေအနေတစ်ခုက အသာမပေးတော့ သူသူငါငါ နှောင်ကြိုးတွေစွန့်ရင်း လက်နက်ကိုင်တော်လှန်ကြ။ အညွန့်တလူလူတက်နေတဲ့ အရွယ်လို့ ပြောကြတဲ့အခါ လူငယ်ပီပီ လူကြီးဆန်ဆန် ပြောင်းလဲလာကြ ကြွေမှာကြောက်လို့ မတောက်ပခဲ့တဲ့ ကြယ် မရှိသလို အညွန့်ချိုးခံရမှာ ကြောက်တဲ့ ရွက်နုတွေလည်း ဘယ်သောအခါမှ ရှိနိုင်လိမ့်မည်မဟုတ်။ ခေတ်ထဲ စိတ်ပြေရာလမ်းလျှောက်လာတော့ "လိုရာမပြည့်သောဘဝမှာ မပျော်နိုင်ရင် မင်း ဘာလိုနေသေးလဲ" သီချင်းတစ်ပုဒ်ကြားယောင်မိရင်း...။ ။ Ze...

ကျေးဇူးတော်(၆) ချစ်ခြင်းမေတ္တာ ဆိုတာက တရားရုံးတော်က အမှုတွဲနှစ်ယောက်လိုပဲ တစ်ယောက်လွတ်မြောက် စေချင်တော့ တစ်ယောက်က အကျဥ်းခန်းထဲ ပြုံးပြုံးကြီး ခေါင်းတိုးဝင်သွားတယ်။ မင်းကိုလွှတ်ပေးလိုက်လို့ပျော်ပါစေ ငါလည်းလွတ်မြောက်ပါစေပေါ့။ ခွဲထွက် ၂၉ ၊ နိုဝင်ဘာ ၊ ၂၀၂၂

New Year 2023 If equality has, 2023 will be for us. When golden shower Padauk blooms, May all of us shouted for "yahoo," Bring unforgettable memories in 2023, As we all need real democracy. May coming Myanmar New Year be a year Not to be sinking our precious dear, We swear to God! Year 2023 is the end of brutal dictatorship. Because it is time to set forth our battleships. နှစ်သစ် ၂၀၂၃ ညီမျှခြင်းသာ ရှိမယ်ဆိုရင် ဒီတစ်ခါ ငါတို့အလှည့်ပဲ။ ဒီတစ်ခေါက် ၀ါရွှေနွယ်သွေးတွေပွင့်တဲ့အခါ ငါတို့အားလုံးအတွက် ဘ၀တစ်သက်တာရဲ့ မေ့မရနိုင်စရာ အပျော်ရွှင်ရဆုံးလက်ဆောင် သူ...ဆောင်းကြဥ်းလာပါစေလေ။ စိုး 🖤