Author : Zun Pwint Oo Reference : Journeying The Globe Knowable Magazine
Posts
ဒုတိယနှောင်ကြိုး တိတ်ဆိတ်ပြီး အထီးကျန်ဆန်လွန်းတဲ့ ညတွေ ဖြတ်သန်းဖို့ ခွန်အားဘယ်က ရနိုင်ပါ့မလဲ လွမ်းသင့်ဒဏ်ကို အံတုနိုင်ဖို့ ရွေးစရာ ၂ ခုရှိခဲ့တာမို့ ဆေးပေါ့လိပ်နှင့် ကဗျာကိုရွေးခဲ့ရ ကျွန်တော့်မှာ အချစ်ဆိုတာ တော်လှန်ရေးလောက် သူမကိုဖွင့်ပြောဖို့ သတ္တိတွေ မရှိခဲ့ဘူး တော်လှန်ရေးဆိုပြီး နှောင်ကြိုးတွေ စတေးထားတဲ့ ကျွန်တော်က သူမ ဆိုတဲ့ နှောင်ကြိုးလေးတစ်ခုကို တွယ်ငြိခဲ့ပြန် ကျွန်တော့်မှာ အမေပြီးရင် သူမကဒုတိယ နှောင်ကြိုးတစ်ခုပဲလား တော်လှန်ရေးမှာ ဘယ်လောက်ပဲ အာရုံစိုက်ထားနိုင်ပါစေ သူမဆိုတဲ့ နှောင်ကြိုးတစ်ချောင်းလေးက အချိန်တန်ပေါ်လာစမြဲမို့လို့ သေးငယ်ပြီးတွယ်ငြိလွန်းတဲ့ သံယောဇဥ်ကြိုးလေး တစ်ချောင်းကပဲ ခိုင်မာလွန်းတာလား Zeus
စတော်ဘယ်ရီ နဲ့ စီးကရက် ၂ Julyရဲ့ စိုးထိတ်ထိတ်ညတွေကို စီးကရက်ရဲ့ ပြင်းရှမှုတွေနဲ့ ရောထွေးထားတယ် မေတ္တာတရားဟာ အသွားအပြန်ရှိတယ်ဆိုတာ ကျွန်တော် အယုံကြည်ဆုံး ဘာသာတရားပါ မျက်မှန်အောက်က အကြည့်တွေဟာ ခန္ဓာကိုယ်တစ်ခုလုံးက တိမ်းညွှတ်မှုတွေရဲ့ တရားခံဘဲ ကိုယ်ဟာ ပါရမီထူးတယ် (ရူးမူးတဲ့ပါရမီ) မင်းရဲ့"ဘယ်တော့မှမခွဲဘူးနော်"ဆိုတဲ့ ပုံပြင်ကို ကမ္ဘာကြီးမှတ်ပြီး အိပ်ရာဝင်ချိန်တိုင်း audio သွင်းနားထောင်ခဲ့တယ် စတော်ဘယ်ရီသီးတွေကို ရင်ဝယ်ပိုက် ချိုမြိန်ခြင်းတွေနဲ့ ငါ့ဘဝကိုရောဖျော်ပြီး မင်းဘဝကို ပျော်စေချင်ခဲ့တဲ့ကောင် ပြာခွက်ထဲကပြာမှုန်တွေကို မင်းမြင်အောင်ကြည့် ကိုယ်ရဲ့အလွမ်းတွေလည်း တစ်မှုန်စီ ဖြန့်ကျဲရောထွေးနေတယ် အနေဝေးလို့ သွေးအေးသွားရတဲ့ ခေတ်ပေါ် အချစ်ဇာတ်လမ်းတွေကြားထဲ အနေနီးတိုင်း သွေးမနီးနိုင်ဘူးဆိုတဲ့ ကိုယ်တို့ဇာတ်လမ်းက သူမတူထူးခြားနေမယ် -ကျွန်တော်
19 July ကျွန်စိတ်ကင်းတဲ့သူတွေကတော့ ရှေ့မှာရဲရဲတောက် လွပ်လပ်ရေးအရယူခဲ့ပြီးပြီ ကျွန်စိတ်မကင်းနိုင်သေးတဲ့လူတွေကတော့ သာသာယာယာလျှောက်ပေတော့ပေါ့...။ ဒီမိုကရေစီဆိုတာကလည်း ဗန်းစကားတစ်ခုသာသာထက် မပိုတော့သလိုပဲ ဪ...သခင်မျိုးဟေ့ တို့ဗမာဆိုတာတွေ ဘယ်ရောက်လို့ ဘာတွေဖြစ်ကုန်ကြပြီလဲ ဒီနိုင်ငံကြီးမှာ အာဇာနည်တွေအတွက် နေရာဆိုတာ တိတ်ဆိတ်ခြောက်ကပ်နေတဲ့ မြေဝန်းအကျယ်ကြီးထဲက လူတကိုယ်စာ နေရာထင်ပါရဲ့။ သက်ရှိထင်ရှား လူ့ငနွားတွေကတော့ သွေးအေးကောင်းတုန်း သူရဲကောင်းတွေရဲ့ အုတ်ဂူပေါ်က သွေးတွေကအခုထိ ပူနွေးနေဆဲ။ တရားမျှတမှုကို တွေ့ချင်ရင် ဒီနိုင်ငံမှာ လာမရှာပါနဲ့ ကိုယ်ချင်းစာတရားကို တွေ့ချင်ရင် ဒီနိုင်ငံမှာ လာမရှာပါနဲ့ ကိုယ်အသားထိမှ ပူတတ်တဲ့ လူအုပ်စုလိုက်ကြီးကို တွေ့ချင်ရင်တော့ ဒီနိုင်ငံကိုသာ လှမ်းလာလှည့်ပါ။ သွားလေသူအပေါင်းတို့လည်း စိတ်ပျက်စရာတိုင်းပြည်ကြီးအတွက် နောင်တကင်းမဲ့စွာပေးဆပ် ထွက်ခွာသွားနိုင်တာ ဂုဏ်ယူနေလိုက်ပါတော့....။ ကျန်ရစ်သူတွေဖြစ်တဲ့ ငါတို့ကပဲ ဒီတာဝန်တွေ ကိုယ်စားထမ်းရွက်ပါစေ ရဲဘော်တို့ရေ.......။ ThaeNu ၁၉.၇.၂၀၂၂
သူတို့မသေပါဘူး သတင်းထဲမှာ တရားဝင်..... သူတို့သတ်သွားတာ လေးယောက် တကယ်တမ်း သူတို့မသေဘူး လေးဦးမကတဲ့ သူရဲကောင်းတွေအားလုံး ငါတို့အသွေးသားထဲမှာ အမြဲရှိတယ် သူတို့သတ်ခဲ့တာ ခန္ဓာသက်သက်ပါပဲ တော်လှန် စိတ်ဓာတ်ကိုတော့ သူတို့ မသတ်နိုင်ခဲ့ပါဘူး အသက်သေသွားပေမယ့် စိတ်ဓာတ်မသေတဲ့ အာဇာနည်တွေအတွက် ငါဂုဏ်ယူတယ် တချို့က အသက်ရှင်နေပါလျက်နဲ့ တော်လှန်ချင်စိတ် သေဆုံးနေတဲ့ လူ့အနတ္တတွေအတွက်တော့ Fuck Off! ThaeNu 25.July.2022
အမည် - ဗိုလ်ချုပ်အောင်ဆန်း (၁၉၁၅ - ၁၉၄၇) ငယ်နာမည် - မောင်ထိန်လင်း မိဘ - ရှေ့နေ ဦးဖာ၊ ဒေါ်စု။ မွေးဖွားရက် - ၁၉၁၅ ခုနှစ်၊ ဖေဖော်ဝါရီ ၁၃ ရက်၊ ၁၂၇၆ ခု၊ မြန်မာသက္ကရာဇ်၊ တပေါင်းလဆန်း ၁ ရက်၊ စနေနေ့။ ဇာတိမွေးရပ် - မကွေး၊ နတ်မောက်မြို့။ ဇနီးအမည် - ဒေါ်ခင်ကြည်၊ ၆-၉-၁၉၄၂ တွင် လက်ထပ်ခဲ့။ လုပ်ကြံခံရသည့်ရက် - ၁၉၄၇ ခုနှစ်၊ ဇူလိုင်လ ၁၉ရက်၊ စနေနေ့ နံနက် ၁၀ နာရီ ၃၇ မိနစ်။ ကွယ်လွန်ချိန်ကျန်ရစ်ခဲ့သူများ - ဇနီး ဒေါ်ခင်ကြည်၊ သား - အောင်ဆန်းဦး၊ ...
သဲနာရီ ဒုက္ခကိုပျားရည်ဆမ်းတာ သစ်သီးကိတ်တလုံးဖြစ်မလာပေမဲ့ ချာလီချက်ပလင်မျက်ရည်ကျတော့ လူတွေကရယ်ကြတယ်။ တကယ်မငတ်ဖူးခင်တုန်းကတော့ ဖိနပ်ကိုစွတ်ပြုတ်လုပ်သောက်တာ ရယ်စရာပေါ့အချစ်ရယ်၊ မြစ်ဟာ တံတားအောက်မှာ ပြန်ကွေ့ဖို့မလွယ် နာကျင်မှုမှာ ပိတ်ရက်မရှိ ပျော်ရွှင်ဖွယ်ကောင်းသော ဖုန်းမမြည်၊ ဟယ်လင် မင်းပဲမှားသလား၊ ငါပဲမှားသလား စစ်ပွဲကတော့ဖြစ်ခဲ့ပြီ။ ။ နှင်းခါးမိုး Respect & Credit to Poet Nhin Kha Moe
“ ချောင်းကြည့်ပေါက်များ ” သူ့အလို အထက် အဆိုပါအကြောင်းများအရ တွေးဆချက်များမှာ (၁) “စကားလုံးများ” ဟာ “အတု”ဖြစ်ပြီး “စိတ်”သည်“အစစ်အမှန်” ဖြစ်တယ် တဲ့။ (၂) “ခြေထောက်တွေ” ဟာ “လမ်း”ဖြစ်ပြီး “ငါ” သည် “ခရီးဆုံး” ဖြစ်တယ် တဲ့။ (၃) ဆိုတော့ကာ အဲဒီခြေထောက်အတုတွေနဲ့ အဲဒီ စကားလုံးတင်းကြမ်းပြည့်လမ်းကိုပဲ စီးစီးပြီး သွားနေရတာ တဲ့။ အဲဒီခရီးဆုံးမှ ရောက်ပါ့မလား အဲဒီအစစ်အမှန်ရော ဟုတ်ပါ့မလား အဲဒီစိတ်ကြီးကို ကုန်လွန်းလို့ အဲဒါ 'ငါ' ကဖြင့်တဲ့။ အင်း... ပျင်းတယ်ဆိုတာကြီးပဲ ကြိတ်မနိုင် ခဲမရ။ ။ ထူးအိမ်သင် ရုပ်ရှင်တေးကဗျာ ( ၂၀၀၂ ) Respect & Credit to Artist Htoo Eain Thin
ထင်ရှားသည့်အမှတ်အသား ကိုးကွယ်သည့်ဘာသာ ရေဟာ ရေပါပဲ ရေတွင်းက ရေ ပိုက်ကလာတဲ့ ရေ ...စသည်ဖြင့် အိမ်သာထဲလည်း ရောက်တယ် ဘုရားစင်ပေါ်လည်း ရောက်တယ် အသုံးချတတ်မှုနဲ့ တန်ဖိုးထားတတ်မှုဟာ ဘာသာရေးပဲ။ နေ့လွဲညစာအတွက်ပါ စားထားတဲ့ ဥပုသ်နေ့တွေဆို ဓမ္မာရုံတွေက ဓမ္မပူဇာတေးတွေကို အတင်း အဓမ္မ ဖွင့်နေတယ် နားထောင်တတ်မှ ကြားရတဲ့ ဓမ္မ အတိုးအကျယ် မရှိဘူး အကျဉ်းအကျယ်သာ ရှိတာပါ။ ဘုရားပွင့်ခဲ့တဲ့ ဗောဓိညောင်ပင် ဘုရားနားမှာ ဘယ်သူမှ မတို့ရဲ မထိရဲ အခု... ဘုရားကို မြိုနေပြီ ငြမ်းက ဘုရားကို ဖျက်နေပြီ။ နိဗ္ဗာန်က အသွားပဲရှိတယ် အပြန်မရှိဘူး ငရဲက အသွားရော အပြန်ရောရှိတယ် နိဗ္ဗာန်က ဖြတ်လမ်းမရှိဘူး ငရဲက ဖြတ်လမ်းရှိတယ်။ ဘယ်လိုလဲ... ဘယ်ကိုသွားမလဲ... ဘယ်လိုသွားမလဲ မြင်တာကို မြင်တယ်လို့မှတ်ဖို့ မြင်ပေမယ့် မမြင်နိုင်ကြဘူး။ ကျယ်ရမယ့် မျက်စိကျ မကျယ်ဘူး မကျယ်ရမယ့် ဖင်ခေါင်းကျ ကျယ်နေတယ် ဦးဇင်းလေးဟောတဲ့တရား တဟားဟားနဲ့ ပွဲကျလို့ တရားပြပေမယ့် တရားမရတဲ့သူတွေလေ။ ဆုတောင်းတိုင်း မပြည့်ဘူး တောင်းတဲ့ဆုတွေက ပါးစပ်ကြီးနဲ့အပြည့် အကုသိုလ်တွေ ပါလာမှဖြင့် ခွဲတမ်းနဲ့ ဝေနေတဲ့ အမျှ သာဓုတွေ ခေါ်နေကြတယ်။ ဆီမီးပူဇော်တာလို့ ခ...
" ဒဏ်ရာ " အရက်တွေမှ ကြိုက်ရင် အရက်ကိုပဲသောက် ဆေးလိပ်တွေမှကြိုက်ရင် ဆေးလိပ်ကိုပဲသောက် အေးတိအေးစက်သာဖမ်းဆုပ်တတ်တဲ့ တစ်စုံတစ်ယောက်ရဲ့ဘဝထဲကိုတော့ ခြေစုံပစ်ပြီးတိုးမဝင်လိုက်နဲ့ အဲ့ဒါ ကိုယ့်ရဲ့ပျော်ရွှင်ခြင်းကို ကိုယ်ကိုယ်တိုင် အမိန့်ပြန်တမ်း ပြန်ရဖို့လမ်းအစပဲ အရက်တွေသောက်ရင် အသည်းတစ်ခုတော့ ရင်းရလိမ့်မယ် ဆေးလိပ်တွေသောက်ရင် အဆုတ်တစ်ခုတော့ ရင်းရလိမ့်မယ် အေးတိအေးစက်သာဖမ်းဆုပ်တတ်တဲ့ တစ်စုံတစ်ယောက်ရဲ့ဘဝထဲကို ခြေစုံပစ် တိုးဝင်လိုက်မယ်ဆိုရင်တော့ ရင်းရမှာက အရာရာ အဲ့ဒီအရာရာထဲမယ် ဘဝတွေလည်း ပါသွားနိုင်တယ်....။ စိတ္တ ( မြူ ) Respect & Credit to Poet Sateta (Mhu)
"ဧည့်သည်" ရေခဲမြစ်တစ်စင်း ရောက်လာတယ် လမ်းမေးချင်လို့တဲ့ ခက်တာက ကျွန်မမှာ ပိုလာတစ်ကောင်မှမရှိဘူး အက်စကီးမိုးတွေနဲ့လည်း မေးထူးခေါ်ပြောတောင် မလုပ်ဖူးဘူး။ ကိုရေခဲမြစ်....ရှင့် ကျွန်မမှာ အဖေသေတော့ တစ်ခါခဲဖူးတယ် ရည်းစားဦးနဲ့လွဲလို့ တစ်ခါခဲဖူးတယ် နိုင်ငံတော်သီချင်းဆိုရင်း တစ်ခါခဲဖူးတယ် ဘက်စုံကြပ်တည်းမှုမှာ တစ်ခါခဲဖူးတယ် ဖော်ဝေးဒိုင်ယာရီဖတ်ရင်း တစ်ခါခဲဖူးတယ် ကျွန်မပြောတာ လမ်းဖြစ်ရဲ့လား။ ။ မြကျေး ၉.၉.၂၀၁၉ Respect & Credit to Poet Mya Kyay
သူငယ်ချင်းထံပေးစာ (၉) သူငယ်ချင်းရေ... တခါသား ကပ္ပတိန် ဂျက်စပဲရိုးဟာ သူ့သံလိုက်အိမ်မြှောင်ကို ဖွင့်ကြည့်တဲ့အခါ ဘယ်ဖက်လက်ထဲက ရမ်ပုလင်းဆီကို ညွှန်ပြနေသတဲ့၊ အဲဒီမှာ... ပုလင်းကို ညာဖက်ရွှေ့ပြီး တခါထပ်ကြည့်ပါရောလား၊ ဘယ်ရမလဲ ရမ်ပုလင်းဆီကိုပဲ ထပ်ပြီး ညွှန်ပြတာပေါ့၊ ဒါပါပဲကွာ ကိုယ်တကယ်လိုချင်တာ ကိုယ်သိဖို့ ငါတို့မှာ အဲလို သံလိုက်အိမ်မြှောင်မျိုး ရှိမှမရှိဘဲကို၊ ကိုယ်ကျင့်တဲ့တရားသာ ကိုယ်လိုချင်တာ အမှန်အစစ်ဖြစ်ပေလိမ့်။ ရင်သွေး
စုံ တော မြိုင် ကလေးဘဝ ငါသိတဲ့စုံတောမြိုင်ဆိုတာ တောကြီးမျက်မည်း...ဘာမျှမရှိ တစ်ခါတော့...စဥ်းစားကြည့်မိသေး တောကောင်ကြီးတွေများ ရှိလေမလား သစ်ခွပန်းလေးတွေလည်းရှိမှာပဲပေါ့။ ပြီးတော့...နွယ်ကြိုးတွဲလွဲခိုစီးနေမယ့် တာဇံကြီးများ ရှိနေလေမလား ကလေးပီပီ... အဲ့ဒီအချိန်ကတော့ တာဇံက ငါ့အတွက် အကောင်းဆုံးသက်မဲ့ဇာတ်ကောင်ကိုး အကောင်းဆုံးဒြပ်မဲ့စိတ်ကူးယဥ်ဘဝပဲ။ အခုချိန် ငါသိတဲ့စုံတောမြိုင်မှာ နိုင်ငံ့အကျိုးလိုလားသူ တချို့ရဲ့ အခမ်းနားဆုံး လက်ထပ်ပွဲတွေရှိတယ် ကိုယ့်အကျိုးမငဲ့သူ လူတချို့နဲ့ သူတို့ အိမ်ပြန်အလာမျှော်လင့်ရတဲ့ မိသားစုဝင် တချို့ရှိပြန်တယ်။ သူတို့ချစ်မြတ်နိုးရတဲ့ မိန်းမပျိုနဲ့ တစ်ဘဝလုံးစာ နှုတ်ဆက်ကြရတဲ့ ယောကျ်ားမြတ်တွေရှိသလို... သူတို့ချစ်မြတ်နိုးရတဲ့ ခင်ပွန်းသားသမီးကို ရင်နာနာနဲ့ စွန့်ခွာချန်ရစ်ခဲ့ရတဲ့ မိန်းမမြတ်တွေလည်းရှိရဲ့ သူတို့ခမျာ... မိခင်ဖခင်တို့ရဲ့နောက်ဆုံးခရီးကိုတောင် ပို့ဆောင်နှုတ်ဆက်ခွင့်မရလိုက်ရှာကြ။ အခုတော့ ငါသိတဲ့စုံတောမြိုင်က အမှန်တရားကိုချစ်မြတ်နိုးသူ ငါတို့အားလုံးအတွက်... ဒီမိုကရေစီလွတ်လပ်ခွင့်ကို မြေကြီးလက်ခတ်မလွဲ သေချာပေါက် အရယူပေးမယ့် သက်ရှိဇာတ်ကောင်တွ...
ယုံသလို နေခဲ့ပြီ ကြုံသလို နေခဲ့ပြီ..... စျေးဆစ်ခံလိုက်ရတဲ့ ပန်းချီကား တစ်ချပ်အတွက် စျေးဆစ်သူရဲ့ လျှာကိုပဲ ဖြတ်ရမလား ပန်းချီဆရာရဲ့ လက်ကိုပဲ ဖြတ်ရမလား။ ကဗျာတွေ ရှင်ချင်ရင် ကဗျာဆရာ သေဖို့သာ ပြင်ပေတော့။ ကိုယ့်အကြောင်း ကိုယ် မေ့ထားချင်လို့ သူများအကြောင်း လျှောက်ပြောနေတာ။ ။ - လှသန်း - Respect & Credit to Poet Hla Than
"ဝမ်းနည်းပါကြောင်း" လမ်းဖောက်တော့ သူမပါ လမ်းပြင်တော့ သူမရောက် ဖြောင့်ဖြူးစွာ လမ်းပြေချောတော့ ကျော့ကျော့လေးလျှောက်။ ကန်တူးရာ သူမပါ ကန်ပြင်ရာ သူမရောက် မြကန်သာရေကြည်သန့်မှ ခန့်ခန့်လေးသောက်။ ပန်းစိုက်ရာ သူမပါ ပေါင်းသင်ရာ သူမရှိ ပန်းပေါင်းစုံ သင်းကြူးမွှေးတော့ ရွေးပန်ချင်၏။ ရပ်ရွာရေး ဆွေးနွေးရာ ဖယ်ရှောင်ခွာ သူ မရော သူထင်ရာ မြင်အတွေးနဲ့ ဘေးထိုင်ဘုပြော။ လူ့ဘဝ ခဏတာ မြင့်မြတ်စွာ လူဖြစ်ခိုက်မှာပေါ့ လူပီစွာ ကိုယ့်အမျိုးအတွက် ကြိုးလိုက်စမ်းပါ။ သိလျက်နဲ့ သွေရှောင်ခွာ ဝေဖန်ကာ အမြင်စောင်း မူမမှန် တယူသန်အတွေးတွေနဲ့ ကလေးလို အရေးဆိုကြမ်းတာတော့ ဝမ်းနည်းပါကြောင်း။ ။ မင်းသုဝဏ် Respect & Credit to Poet Min Thu Wum
ယုံကြည်မှု ခရီးရှည် အဆင်မပြေချင်ရင် တစ်ချက်ပဲ အဆင်ပြေချင်တော့လည်း တစ်ချက်တည်း ရေမဆေးသမားတွေရဲ့ စကား.... တစ်ခါက ကိုယ်နဲ့မဆိုင်ခဲ့တဲ့ ဘဝထဲ ဥပမာ...ကိုယ်တို့ဘဝထဲ ရယ်တော့ ရယ်ရသား ငိုလည်း ငိုရပါတယ်။ တကယ်ပဲ... အဆင်မပြေချင်ရင် တစ်ချက်ပဲ အဆင်ပြေချင်တော့လည်း တစ်ချက်တည်း အခု...ဘဝပေးက သင်ကြားသွားပါပေါ့။ ကိုယ်တွေမှာ..... ရယ်လည်း မရယ်နိုင်၊ ငိုလည်း မငိုနိုင်။ ကိုယ်ယုံကြည်ရာ ကိုယ်ရွေးတဲ့အခါ အကြိမ်ကြိမ်...ထပ်ထပ်ပြီး နောက်... အကြိမ်ကြိမ်...ထပ်ထပ်ပြီး တစ်လမ်းတည်း ဆက်လျှောက်ရပါတယ်။ မနက်ဖြန်တွေအတွက်တော့ ဟုတ်ကဲ့... လွယ်ပါတယ် ပေါ့လေ လွယ်ပါတယ်ပေါ့ ကိုယ့်တရား ကိုယ်နာပြီး ကိုယ့်ခရီးကို ကိုယ်ဆက်ပါတယ်။ ယုံကြည်မှုနဲ့ သံသယဟာ ကြာကြာပခုံးဖက်ပြီး လမ်းမလျှောက်နိုင် ကျောချင်းကပ်ပြီး မိစ္ဆာရန်ကို ရင်ဆိုင်တဲ့အခါ နောက်ကျောမှာ ဓားတန်းလန်း စိုက်နစ်သူဟာ 'တစ်ယောက်တည်းပါ' တဲ့ သံသယဟာ ခြေထိုးတတ်သူမျှသာ သံသယဟာ နောက်ကျော ဓားထိုးသူမျှသာ။ ကိုယ်ယုံကြည်တဲ့ နိဗ္ဗာန်ခရီးမှာ ဖြည့်ရသမျှ ပါရမီဆိုတာကလည်း ဓမ္မက အဓမ္မကို အကြိမ်ကြိမ်ရှုံးရတယ် မဟုတ်လား။ အပိုင်းတွဲလေး ဆက်ခါမှ ရဲလာမှ ပြီးရတာမျိုး ရွှေဘက အနိုင်ရတာမျိုး ဗုဒ္ဓရဲ့ အောင်နိုင်...
သူငယ်ချင်းထံပေးစာ (၆) ခေတ်ဆိုးကြီးမှာ မျှောမလိုက်မိစေနဲ့ သူငယ်ချင်း... တကယ်တမ်း ကိုယ့်ကျောပေါ် ကျာပွတ်ကျလာပြီဆိုမှ မျက်နှာပျက်ခွင့် မရတာမျိုး မင်းကိုလည်း မကြုံစေချင် ငါလည်း မကြုံချင်၊ အချိန်လေးရှိတုန်း အရှိန်လေးရှိတုန်း ငါတို့ အတူတူရုန်းဖို့လိုတယ်။ ဘယ်မီးမဆို..... အချိန်အကန့်အသတ်ရှိတယ် မဟုတ်လား။ ။ ရင်သွေး
အမှိုက်များ လေထဲလွင့်နေသည် မနက်ခင်းဆိုတာ လေသန့်မှ ကြည်လင်တယ်ဆိုရင် ငါတို့နိုင်ငံက ညသန်းခေါင်မှာ အချိန်တွေ ရပ်နေတုန်းဖြစ်မယ်။ တောက်!... ငါတို့အနားကို လူတွေမကပ်နိုင်ကြဘူး တော်လှန်အနံ့တွေ ငြိနေလို့တဲ့။ ခင်ဗျားတို့လို ကျွန်ဆပ်ပြာမသုံးတော့ မကျွတ်ဘူးနေမယ် မိလ္လာအိုင်ထဲ သွန်ချလိုက်တဲ့အထဲ ဦးနှောက်တွေက အနံ့တွေစွဲလို့ပေါ့။ ပါးစပ်တွေက ဟောင်ဖွာဟောင်ဖွာ ဒီ...ခွေးသူတောင်းစားတွေကွာ စာမဖတ်တတ်ဘူး လူလို နားမလည်ဘူးထင်တယ်။ ဤနေရာတွင် အမှိုက်မပစ်ရ အမှိုက်နံ့များ..... နှာခေါင်းမှာ စွဲပြီးမှတော့လည်း ရိုးနေပြီပေါ့လေ မြောင်းပုပ်ထဲက ဤတိုင်းပြည် ရေသေအိုင်ထဲ..... ပက်လက်လန်နေလေတော့သည်။ ။ Tommy
အချစ် ဖရိုဖရဲ အခြေအနေတွေထဲမှာတင် မထင်မှတ်ဘဲ ဆုံစည်းခဲ့တယ် အမှတ်တမဲ့တွေက အမှတ်တရတွေ ဖြစ်ကုန်ကြတယ်။ 'ခဏတာ' ကံတရားဟာ ဘဝရဲ့အခိုက်အတန့်တစ်ခုဖြစ်ခဲ့ပြီး စိတ်ခံစားချက်တွေကို အကုန်သိမ်းကျုံးယူသွားတယ်။ နာကျင်မှုက မင်းလိုပဲလှပတော့ ထပ်ခါထပ်ခါ လိုချင်နေမိတယ် မင်းနဲ့ကိုယ်ရဲ့ အထိအတွေ့တွေကြား အချစ်ဟာ..... ငြိမ်းချမ်းရေး နဲ့ အောက်ချင်းငှက်တွေ သယ်ဆောင်လာခဲ့ပေမဲ့ မျက်ရည် နဲ့ ဝေးကွာရခြင်းဟာ... ကျောနောက်မှာ ကပ်လျက်ပါလာခဲ့တယ်။ ။ ကျွန်တော်
စတော်ဘယ်ရီ နဲ့ စီးကရက် ၁ တစ်ဖက်က ချိုမြိန်မှု တစ်ဖက်က ပြင်းရှမှု ဆန့်ကျင်ဘက်တွေနဲ့ တွဲဖက်ရေး စတော်ဘယ်ရီဟာလည်း ချိုမြိန်သလို စွဲလန်းတယ် စီးကရက်ဟာလည်း ပြင်းရှသလောက် စွဲလန်းတယ် နှလုံးသားအလယ်တည့်တည့် စိုက်နစ်သွားတဲ့ အပြုံးတစ်ပွင့်ကိုရော ဘာအရသာလို့ သတ်မှတ်ကြမလဲ မင်းနှုတ်ခမ်းက တပ်မက်ချင်စရာအပြည့် ဗုဒ္ဓဟောကြားတဲ့တရားတွေထဲ အချစ်နာကျခြင်းတရားပါသလား သေချာတာတစ်ခုကတော့ Julyရဲ့ မိုးစက်တွေနဲ့အတူ ကိုယ်ရဲ့ မပျော်ရွှင်မှုတွေလည်း တရစပ်ရွာသွန်းနေမယ် ပျိုပျိုမေရယ်။ ။ ကျွန်တော်